ҶАВОНОН
Ҷумъа 29 Март 2024 04:49
Тавре иттилоъ дода будем, имрӯз, 8 август, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар доираи сисилавохӯриҳояш дар шаҳру навоҳии вилояти Хатлон бо сокинон, аз ҷумла бо наврасону ҷавонони ноҳияи Абдураҳмони Ҷомӣ низ мулоқот намуд.
Ҳангоми мулоқот оид ба эълон гаштани соли 2017 “Соли ҷавонон”, пешгирии шомилшавии ҷавонон ба гурӯҳҳои иртиҷоӣ ва ҷиноятпеша, эҳтироми либоси миллӣ ва даст кашидан аз бегонапарастӣ миёни ҷавонон, аҳамияти қонунҳои кишвар “Дар бораи танзими анъана ва ҷашну маросимҳо дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” ва дигар мушкилоти мубрами рӯз мубодилаи афкор сурат гирифт.
Аҳтам Абдуллозода дар суханронияш иброз дошт, ки имрӯз ҳифзи фарҳанги миллӣ, аз ҷумла либоси тоҷикӣ ниёз ба ғамхории ҳамагонӣ дошта, ҳамчун ҷузъи муҳими ҳувияти миллӣ бояд аз ҷониби ҷомеа ба он эҳтироми махсус гузошта шавад. Раиси Кумита дар робита ба ин афзуд, ки волидон бояд дар заминаи ҳифзи фарҳанги миллӣ беэътиноӣ зоҳир накарда, ҳангоми таълиму тарбияи фарзандон ба ин масъала диққати ҷиддӣ диҳанд. Имрӯз ҷавононро зарур аст, ки ба бегонапарастӣ хотима бахшида, барои бақои фарҳангу маданияти миллат бештар талош варзанд.
Дар ҳошияи ин вохӯрӣ волонтиёрони назди Раёсати кор бо ҷавонон ва варзиши вилояти Хатлон дар кӯчаву маҳаллаҳо ва ҷамоатҳои деҳоти ноҳия оид ба дастовардҳои даврони Истиқлолият, Ваҳдати миллӣ ва дастгириҳои пайвастаи Пешвои миллат нисбати ҷавонон бо сокинон мулоқоту вохӯрӣ ва корҳои фаҳмондадиҳӣ доир карданд.
Хуршед ХОВАРӢ, “ҶТ”
Ҳангоми мулоқот оид ба эълон гаштани соли 2017 “Соли ҷавонон”, пешгирии шомилшавии ҷавонон ба гурӯҳҳои иртиҷоӣ ва ҷиноятпеша, эҳтироми либоси миллӣ ва даст кашидан аз бегонапарастӣ миёни ҷавонон, аҳамияти қонунҳои кишвар “Дар бораи танзими анъана ва ҷашну маросимҳо дар Ҷумҳурии Тоҷикистон”, “Дар бораи масъулияти падару модар дар таълиму тарбияи фарзанд” ва дигар мушкилоти мубрами рӯз мубодилаи афкор сурат гирифт.
Аҳтам Абдуллозода дар суханронияш иброз дошт, ки имрӯз ҳифзи фарҳанги миллӣ, аз ҷумла либоси тоҷикӣ ниёз ба ғамхории ҳамагонӣ дошта, ҳамчун ҷузъи муҳими ҳувияти миллӣ бояд аз ҷониби ҷомеа ба он эҳтироми махсус гузошта шавад. Раиси Кумита дар робита ба ин афзуд, ки волидон бояд дар заминаи ҳифзи фарҳанги миллӣ беэътиноӣ зоҳир накарда, ҳангоми таълиму тарбияи фарзандон ба ин масъала диққати ҷиддӣ диҳанд. Имрӯз ҷавононро зарур аст, ки ба бегонапарастӣ хотима бахшида, барои бақои фарҳангу маданияти миллат бештар талош варзанд.
Дар ҳошияи ин вохӯрӣ волонтиёрони назди Раёсати кор бо ҷавонон ва варзиши вилояти Хатлон дар кӯчаву маҳаллаҳо ва ҷамоатҳои деҳоти ноҳия оид ба дастовардҳои даврони Истиқлолият, Ваҳдати миллӣ ва дастгириҳои пайвастаи Пешвои миллат нисбати ҷавонон бо сокинон мулоқоту вохӯрӣ ва корҳои фаҳмондадиҳӣ доир карданд.
Хуршед ХОВАРӢ, “ҶТ”
Эзоҳи худро нависед