Имрӯз бо ташаббуси клуби волонтёрони Раёсати кор бо ҷавонон ва варзиши вилояти Суғд аксияи тарғиботӣ таҳти унвони “Хизмат ба Ватан шараф аст!” дар кӯчаву хиёбонҳо, боғҳои фарҳангиву фароғатӣ ва бозорҳои шаҳри Хуҷанд ташкил ва гузаронида шуд.

Ба таъкиди масъулин ҳадаф аз баргузории аксия баланд бардоштани маърифати хуқуқӣ, дар замири ҷавонон, бедор намудани ҳисси ватандӯстӣ, тарбия намудани насли ҷавон дар рӯҳияи далерию шуҷоатмандӣ, эҳтиром ва арҷгузорӣ ба муқаддасоти миллӣ ва даъват намудани ҷавонон ба хизмати Ватан – Модар мебошад.

Дар аксия 300 адад маводҳои тарғиботӣ тақсим гардида, дар он беш аз 450 нафар ҷавонону наврасон иштирок намуданд.