ҶАВОНОН
Панҷшанбе 21 Ноябр 2019 11:28
2810
Озмуни нашрияи расмии Ҷумҳурии Тоҷикистон-рӯзномаи «Ҷумҳурият», ки бахшида ба “Соли ҷавонон” таҳти унвони «Пайрави Пешво» эълон гардида буд, имрӯз 12 – май, дар Маҷмааи табъу нашри «Шарқи озод» ҷамъбаст гардид.

Қурбоналӣ Раҳмонзода, сармуҳаррири нашрия зимни ифтитоҳи чорабинӣ қайд намуд, ки ҳадафи озмун муаррифии ҷавонони муваффақу болаёқат дар бахшҳои роҳбарӣ, ихтироот, илму технология, соҳибкорӣ ва дигар соҳаҳои муҳими иҷтимоии мамлакат мебошад.

“ – Аз ҷониби Пешвои миллат муҳтарам Эмомалӣ Раҳмон эълон гардидани соли 2017 ҳамчун “Соли ҷавонон” бори дигар собит сохт, ки роҳбарияти олии мамлакат ба ин нерӯи созанда ва пешбарандаи ҷомеа эътимоди комил дорад. Дар партави ҳамин сиёсати созанда рӯзномаи «Ҷумҳурият» бахшида ба “Соли ҷавонон” таҳти унвони «Пайрави Пешво» озмун эълон намуд. Баррасӣ ва натиҷагирии маводи пешниҳодшуда муайян намуд, ки идораи рӯзнома ҳамчун ташкилкунандаи озмун дар иҷрои ҳадафҳои худ муваффақ шудааст, зеро озмун тавонист портрети як гурӯҳи калони ҷавонони лаёқатманди гуногункасбро, ки бо эҷод, ихтироот ва ташаббусҳои созандаашон дар рушди соҳаҳои мухталифи мамлакат саҳми арзанда мегузоранд, муаррифӣ созад”, - иброз дошт Қурбоналӣ Раҳмонзода.

Дар озмуни мазкур, ки аз 10 феврал то 10 майи соли равон ҷараён дошт,беш аз 50 асари журналистӣ пешниҳод гардида, зиёда аз 20 адади онҳо бо салоҳдиди аъзои комиссияи озмунӣ рӯи чоп омаданд.

Камол Наврӯзӣ бо матлаби «Ифтихори тиллоии мо» бо гирифтани 42 хол сазовори ҷойи дуюм, Оҳистамоҳ Вафобекзода ва Муҳаммадӣ Шоҳ сазовори ҷойи сеюм гардида, Беҳрӯз Холмуродов, корманди рӯзномаи “Ҷавонони Тоҷикистон”, ҳамчун иштирокчии фаъоли озмун дар қатори ҳашт иштирокчии фаъол соҳиби ифтихорнома ва ҳавасманд гардонида шуд.

Масъулини озмун ғолибонро табрик гуфта, таъкид намуданд, ки барои ҷамъбасти воқеъбинона ва таъмини шаффофият дар озмун аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Ассотсиатсияи публитсистони Тоҷикистон намояндагон ба ҳайати комиссияи озмунӣ ҷалб карда шуданд.

Хуршед ХОВАРӢ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.