ҶАВОНОН
Шанбе 22 Сентябр 2018 08:42
3857
Бо ташаббуси Кумитаи кор бо ҷавонон ва варзиши назди Ҳукумати ҷумҳурӣ бахшида ба “Соли рушди сайёҳӣ ва ҳунарҳои мардумӣ” дар Донишгоҳи славянии Русияву Тоҷикистон ҳамоиши ҳизбиёни ҷавони пойтахт таҳти унвони “Пайравони Пешвои миллатем” баргузор гардид.

Дар ҳамоиш Аҳтам Абдуллозода, раиси Кумитаи кор бо ҷавонон ва варзиши назди ҳукумати кишвар, Раъно Бобоҷониён, муовини раиси ҲХДТ ва аъзоёни Кумитаи иҷроияи Ҳизби Халқии Демократии Тоҷикистон ширкат ва суханронӣ намуданд.

Аҳтам Абдуллозода, раиси Кумитаи кор бо ҷавонон ва варзиши назди ҳукумати кишвар, зимни сухани ифтитоҳӣ қайд кард, ки “ҲХДТ зодаи даврони истиқлол буда, аз давраи аввали фаъолияташ волоияти қонун, ислоҳоти ҳуқуқӣ ва таъмини амнияти иҷтимоиву иқтисодии кишварро пешаи худ қарор дода, дар давоми зиёда аз 20-соли фаъолияти пурсамар сазовори муҳаббату самимияти аҳли ҷомеа гардидааст. Миннатдории худро ба роҳбарияти ҲХДТ ва Донишгоҳи славяни Русияву Тоҷикистон барои фароҳам овардани шароити созгор барои чунин як чорабинии судманд изҳор менамоям”.

Дар фарҷоми ҳамоиш ба як гуруҳ ҳизбиёни ҷавон аз тарафи Кумитаи кор бо ҷавонон ва варзиши назди ҳукумати мамлакат ва Кумитаи иҷроияи ҲХДТ барои саҳми арзанда гузоштанашон дар татбиқи сиёсати давлатии ҷавонон ва баланд бардоштани ҳисси ватандӯстӣ бо сипосномаҳо қадрдонӣ шуда, баъдан баҳри иштирокчиён филми мустанади “Марди роҳ” намоиш дода шуд.

Муниса ДОДОВА
Меҳрубон ИМОМОВА, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сентябр 2018 c.