Бо мақсади баланд бардоштани ҳисси ватандӯстӣ ва амалисозии Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” масъулини Бахши кор бо ҷавонон ва варзиши ноҳияи Ванҷ бо хонандагони МТМУ – и № 4 мулоқот карданд.

Масрур Ғайратов, мудири бахш гуфт, ки вохӯрӣ дар асоси нақшаи чорабиниҳои рӯи кор омада, дар он моҳиятан мавзӯъҳои худшиносии ҷавонону наврасон, аз худ нишон додани ҳушёрии сиёсӣ, асолати меҳанпарастӣ ва рамзи мардонагиву шуҷоат, хизмати модар – Ватану муқаддас донистани ин қарзи фарзандии хеш, таҳкими Артиши миллӣ ва ҷузъу томҳои низомии мамлакат дар зарфи солҳои соҳибистиқлолӣ баррасӣ шуданд.

М. Ғайратов афзуд, ки толибилмон моҳияти суҳбатро бо дарки масъулияти баланд ва ифтихор аз давлату ватандорӣ пазируфта, ваъда доданд, то дар оянда баҳри гулгулшикуфӣ, пешрафт ва суботи Тоҷикистон талошҳои воқеӣ менамоянд.

Феълан вохӯриҳои марбут дар ҳамаи мактабҳои ноҳия ба роҳ монда шудаанд.