ҶАВОНОН
Ҷумъа 23 Июн 2017 01:27
429

23 январ дар замини хоҷагии ёрирасони Кумитаи ҷавонон, варзиш ва сайёҳӣ, ки дар ноҳияи Рӯдакӣ воқеъ аст, мавсими ниҳолшинонӣ ва корҳои кабудизоркунии муҳити зист ва идомаи амалиёти 100 рӯзи ниҳолшинонӣ таҳти унвони “Ин Ватанро мо - ҷавонон сабзу хуррам мекунем!” ба таври оммавӣ гузаронида шуд.

Дар он кормандони кумита, зерсохторҳои он ва сокинони ноҳияи мазкур фаъолона ширкат варзида, беш аз 1000 бех ниҳолҳои сояафкан ва мевадиҳанда шинонданд.
Аҳтам Абудуллозода, раиси Кумитаи ҷавонон, варзиш ва сайёҳӣ, ки ҳамроҳ бо ҷавонон дар маъракаи ниҳолшинонӣ ва корҳои кабудизоркунии муҳити зист иштирок дошт, чунин иброз намуд: “Ниҳолшинонию боғдорӣ ва парвариши навъҳои гуногуни меваю сабзавот аз оинҳои бостонӣ ва пурифтихори ниёкони мост. Бинобар ин, ҷавононро зарур аст, ки расми гузаштагони худро идома дода, ба хуррам гардондани муҳит ва зебоии табиат камар банданд”. 
Қобили зикр аст, ки амалиёти 100 рӯзи ниҳолшинонӣ таҳти унвони “Ин Ватанро мо - ҷавонон сабзу хуррам мекунем!”, ки аз ҷониби Кумитаи ҷавонон, варзиш ва сайёҳӣ роҳандозӣ шудааст, 16 декабри соли 2015 оғоз ёфта, то 1 марти соли 2016 идома меёбад.

Эзоҳи худро нависед



Рамзҳо дар расм