Бахши ҷавонон, варзиш ва сайёҳии ноҳияи Бохтар бахшида ба "Соли ҷавонон" дар қисми низомии 07/017 Вазорати мудофиаи Ҷумҳурии Тоҷикистон дар ноҳияи Бохтар чорабинии фарҳангию фароғатӣ баргузор намуд.

Гуфта шуд, ки як гурӯҳ ҷавонон аз шароитҳои буду боши сарбозон дидан намуданд.

Ба гуфтаи манбаъ ҳадаф аз ин мулоқот дар он аст, ки ҷавонони ба сини сарбозӣ расида бояд ба шароити буду боши аскарон дар қисмҳои низомӣ ошноӣ пайдо кунанд.

Дар чорабини мазкур 10 нафар сарбозоне, ки ихтиёран ба сафи Қувваҳои Мусаллаҳи Ҷумҳурии Тоҷикистон сафарбар шудаанд бо туҳфаҳои таъсиснамудаи Бахши ҷавонон, варзиш ва сайёҳии ноҳия қадрдони шуданд.

Дар фарҷоми чорабинӣ аз ҷониби аҳли санъати ноҳия барномаи ҷолиби фарҳангӣ пешкаши ҳозирин гардид.

Умед Мирзоев, "ҶТ"