14 декабр дар асоси дастури раиси Кумитаи кор бо ҷавонон ва варзиш ҳайати кормандони сохтори марказӣ ва зерсохторҳои Кумита ҳамроҳ бо донишҷӯёну омӯзгорони Донишкадаи тарбияи ҷисмонии Тоҷикистон ба номи С.Раҳимов дар талу теппаҳои мавзеъи Муассисаи давлатии “Боғи Ғалаба ва нигоҳдории ҷангал” маъракаи ниҳолшинонӣ доир намуданд.

Чигунае ки аз маркази таҳлил ва иттилооти Кумита хабар доданд, маъракаи ниҳолшинонӣ таҳти унвони “Ҷавонон ҳомии сарсабзии табиати Тоҷикистон” ҷараён гирифта, дар такя ба ташаббусҳои созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба сарсабзу хуррамгардонии ҳар гӯшаи Тоҷикистон роҳандозӣ гардид.

Бояд гуфт, ки дар мамлакат “Барномаи миллии Ҷумҳурии Тоҷикистон “Мамлакати сабз” барои солҳои 2023-2027” қабул гардидааст, ки дар асоси он то соли 2025 дар Тоҷикистон дар масоҳати чор ҳазор гектар 65 миллион бех ниҳолҳои дарахтону буттаҳо, аз ҷумла дарахтони мевадиҳанда, хуч ва санавбар шинонида мешаванд.

Дар маъракаи ниҳолшинонӣ роҳбарият, ҳайати кормандони сохтор ва зерсохтори Кумита ва донишҷӯёни сохторҳои варзишии Кумита дар умум 230 нафар фаъолона иштирок намуданд.

То нисфирӯзӣ дар асоси дастури роҳбарият ва нақша - чорбаниҳои созандагиву ободкории Кумита аз ҷониби ҳайати болозикр дар ҳудуди Муассисаи давлатии “Боғи Ғалаба ва нигоҳдории ҷангал” бо шумораи 2500 бех ниҳоли сояафкан шинонида шуд.