ҶАВОНОН
Ҷумъа 29 Март 2024 05:14
Искандар Муртазоев 22 сол дорад. Зодаи деҳаи Тагобаи ноҳияи Рашт буда, дар оилаи табиб ба дунё омадааст. Ӯ соли 2016 ба Донишкадаи омӯзгории Тоҷикистон дар ноҳияи Рашт ба тахассуси рӯзноманигор дохил гардида, баъди як соли таҳсил бинобар сабаби ноустувории буҷаи оила ба муҳоҷират рӯ овард.
Давоми чор сол аст, ки дар шаҳри Москваи Федератсияи Русия ба кор машғул аст. Искандар мегӯяд: “Ба ҳама рӯзҳои вазнине, ки дар аввал ба сарам омад, тоқат намудам, кор кофтам ва дар ниҳоят баъди машаққату мушкилиҳои зиёд соҳиби ҷойи кори ҳамешагӣ гардидам”. Искандар давоми се соли охир дар яке аз мағозаҳои соҳибкорони тоҷик Анвар Ашуров, ки дар шаҳри Ярославл аст, фаъолият мекунад. Ӯ мегӯяд: “Инсон дар зиндагӣ то ба сахтиву мушкилиҳо рӯ ба рӯ нагардад, ба қадри зиндагӣ намерасад, барои роҳат зистан моро мебояд, заҳмат кашем”.
Мақсади асосии Искандар дар зиндагӣ хондан ва соҳибкасб шудан аст. Ҳарчанд ки ӯ имрӯз дар муҳоҷират қарор дорад, вале нияти хонданро ҳоло ҳам дар дил дорад. Чунончи худи ӯ мегӯяд: “Ҳарчанд, ки вазъи ноустувори иқтисодиам сабабгори муҳоҷир шуданам гардид, вале ман мақсади хонданро ҳанӯз ҳам аз худ дур накардаам, балки дар муҳоҷират низ ҳамеша пайи мутолиаи китобҳои бадеӣ ҳастам, забонҳои русӣ ва англисиро аз худ намудаам, ҳамчунин барои оила кӯмак мерасонам”.
Искандар дар муҳоҷират новобаста аз оне ки ба кор машғул аст, боз дар вақтҳои холӣ тамрини варзиш мекунад. Ӯ ҳамчун аъзои дастаи мактаби варзишии волейбол дар шаҳри Ярославл дар мусобиқаҳои зиёди волейбол иштирок намуда, сазовори медалу ифтихорномаҳо гардидааст.
Донистани забонҳои хориҷӣ ва варзишгари муваффақ буданаш ба ӯ имкон дод, ки аз ҷониби бисёре аз корхонаву марказҳои варзишӣ ба кор даъват гардад ва маоши хубу беҳтареро низ барояш ҷудо намоянд. Вале надоштани диплом ва ё ҳуҷҷати тасдиқкунандаи таҳсилот ӯро аз ҳама имконияҳо дур сохтааст. Искандар мегӯяд, борҳо имконияти дохил гардидан ба донишгоҳҳои шаҳри Ярославл барояш пайдо гардид, аммо хондан дар ватанро канори дӯстону ҳамватанон беҳтар медонад.
Ягона мақсади асосии Искандар ин таҳсилашро дар ватан идома додан, соҳибкасб гардидан ва барои халқу ватанаш хизмат кардан аст. Искандар мегӯяд, ки деҳаашон дуртар аз маркази ноҳия воқеъ аст ва тасмим дорад, баробари ба ватан баргаштан, барои ҳамдеҳагонаш як маркази омӯзиши забонҳои хориҷиро ба роҳ мемонад, то насли наврасро дар ҳамқадам будан бо ҷаҳони муосир роҳнамоӣ кунад.
Барои расидан ба ҳама нияту нақшаҳои неки Искандар ҳамагӣ чанд моҳ боқӣ мондааст ва ӯ мақсад дорад, то баҳори имсоларо пас аз чаҳор сол канори волидон гузаронад ва пайи амалӣ намудани ниятҳои хеш бо дилу нияти гарм пайи ободиву бундёкории як гӯшаи ватан талош варзида, дар тарбияи насли наврас саҳмгузор бошад.
Қиёмиддин МАҲМАДҶОНОВ, “ҶТ”
Давоми чор сол аст, ки дар шаҳри Москваи Федератсияи Русия ба кор машғул аст. Искандар мегӯяд: “Ба ҳама рӯзҳои вазнине, ки дар аввал ба сарам омад, тоқат намудам, кор кофтам ва дар ниҳоят баъди машаққату мушкилиҳои зиёд соҳиби ҷойи кори ҳамешагӣ гардидам”. Искандар давоми се соли охир дар яке аз мағозаҳои соҳибкорони тоҷик Анвар Ашуров, ки дар шаҳри Ярославл аст, фаъолият мекунад. Ӯ мегӯяд: “Инсон дар зиндагӣ то ба сахтиву мушкилиҳо рӯ ба рӯ нагардад, ба қадри зиндагӣ намерасад, барои роҳат зистан моро мебояд, заҳмат кашем”.
Мақсади асосии Искандар дар зиндагӣ хондан ва соҳибкасб шудан аст. Ҳарчанд ки ӯ имрӯз дар муҳоҷират қарор дорад, вале нияти хонданро ҳоло ҳам дар дил дорад. Чунончи худи ӯ мегӯяд: “Ҳарчанд, ки вазъи ноустувори иқтисодиам сабабгори муҳоҷир шуданам гардид, вале ман мақсади хонданро ҳанӯз ҳам аз худ дур накардаам, балки дар муҳоҷират низ ҳамеша пайи мутолиаи китобҳои бадеӣ ҳастам, забонҳои русӣ ва англисиро аз худ намудаам, ҳамчунин барои оила кӯмак мерасонам”.
Искандар дар муҳоҷират новобаста аз оне ки ба кор машғул аст, боз дар вақтҳои холӣ тамрини варзиш мекунад. Ӯ ҳамчун аъзои дастаи мактаби варзишии волейбол дар шаҳри Ярославл дар мусобиқаҳои зиёди волейбол иштирок намуда, сазовори медалу ифтихорномаҳо гардидааст.
Донистани забонҳои хориҷӣ ва варзишгари муваффақ буданаш ба ӯ имкон дод, ки аз ҷониби бисёре аз корхонаву марказҳои варзишӣ ба кор даъват гардад ва маоши хубу беҳтареро низ барояш ҷудо намоянд. Вале надоштани диплом ва ё ҳуҷҷати тасдиқкунандаи таҳсилот ӯро аз ҳама имконияҳо дур сохтааст. Искандар мегӯяд, борҳо имконияти дохил гардидан ба донишгоҳҳои шаҳри Ярославл барояш пайдо гардид, аммо хондан дар ватанро канори дӯстону ҳамватанон беҳтар медонад.
Ягона мақсади асосии Искандар ин таҳсилашро дар ватан идома додан, соҳибкасб гардидан ва барои халқу ватанаш хизмат кардан аст. Искандар мегӯяд, ки деҳаашон дуртар аз маркази ноҳия воқеъ аст ва тасмим дорад, баробари ба ватан баргаштан, барои ҳамдеҳагонаш як маркази омӯзиши забонҳои хориҷиро ба роҳ мемонад, то насли наврасро дар ҳамқадам будан бо ҷаҳони муосир роҳнамоӣ кунад.
Барои расидан ба ҳама нияту нақшаҳои неки Искандар ҳамагӣ чанд моҳ боқӣ мондааст ва ӯ мақсад дорад, то баҳори имсоларо пас аз чаҳор сол канори волидон гузаронад ва пайи амалӣ намудани ниятҳои хеш бо дилу нияти гарм пайи ободиву бундёкории як гӯшаи ватан талош варзида, дар тарбияи насли наврас саҳмгузор бошад.
Қиёмиддин МАҲМАДҶОНОВ, “ҶТ”
Эзоҳи худро нависед