Дар толори қасри фарҳанги ноҳияи Дарвоз масъулини Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо зиёда аз 200 нафар ҷавонони касбу кори гуногун, варзишгарону сарбозон ва сокинони ноҳия вохӯрӣ намуданд.

Зимни мулоқот бо Солеҳҷон Амирҷонзода, мудири шуъбаи умумӣ ва назорати дастгоҳи марказии кумита омодагӣ ба маъракаи муҳими сиёсӣ аз қабили интихоботи дар пешистода, истиқболи 30 – солагии Истиқлолияти давлатии кишвар, таҳкими матонату далерии ҷавонони ВМКБ ва сарбаландона иҷро намудани нақшаи даъват дар соли 2019 ва дигар мавзӯъҳои муҳим баррасӣ шуданд.

Баъдан ҷавонону наврасон ва аскарон перомуни Ваҳдату Истиқлолият, нақши Пешвои миллат муҳтарам Эмомалӣ Раҳмон дар эҳёи давлатдории навини тоҷикон ашъору маърӯзаҳои ҷолиб пешниҳод намуда, теъдоде аз онҳо расман ба аъзогии маҳфили “Пайравони Пешвои миллат” шомил гардиданд.

Ба иттилои Хуршед Ғаффоров, корманди Бахши кор бо ҷавонон ва варзиши ноҳия чунин суҳбату мулоқотҳои масъулини кумита бо наврасону ҷавонон ва вазишгарони ҷамоатҳои Қалъаи Хумб, Водхуд, Нулванди Дарвозу ҷамоати Маҳмадулло Абадуллоеви ноҳияи Ванҷ ҳам рӯи кор омада, дар интиҳо ба фаъолон лавозимоти варзишӣ, туҳфаҳои гунонун ва ифтихорномаҳо тақдим гаштанд.