15 август як гурӯҳ ҷавонони фаъоли шаҳри Душанбе бо баргузории Амалиёти оммавии “Биёед, китоб мехонем!” ҳамсолони худро ба китобхонӣ даъват намуданд.
  
Дар доираи он, ҷавонон ба сокинони пойтахт, ки ба истироҳату фароғат машғул буданд, як миқдор китобҳои илмиву бадеӣ ройгон тақсим намуда, сокинонро ба китобхониву китобдӯстӣ ҳидоят намуданд.

Иқдоми мазкур бо ташаббуси Раёсати кор бо ҷавонон ва варзиши шаҳри Душанбе доир гардида, мақсад аз баргузории он ташвиқу таблиғи китобхонию китобдорӣ, ҷалби наврасону ҷавонон ба хониш ва нигаҳдории китоб, аз худ кардани илму маърифат, хулқу атвори наку, одоби ҳамида, таҳаммулпазирӣ ва худогоҳию поктинатӣ, истифодаи самараноки вақтҳои холигӣ дар таътили тобистона ва пешгирь аз бекориву оворагардӣ ва амалҳои номатлуб маънидод гардид.