Дар идомаи лагери омӯзишию сайёҳатии “Ҷавонон - пайрави Пешвои миллат”, ки субҳи имрӯз оғоз гардид, иштирокчиёни он баъд аз “Кохи Наврӯз” аз Боғи Парчами давлатӣ дидан намуданд.

Масъулини лагер зимни боздиди боғи мазкур иброз доштанд, ки Парчами давлатӣ рамзи иттиҳоду сарҷамъӣ ва муаррифгари миллату давлат дар арсаи ҷаҳонӣ буда, бояд онро пос дошт ва ҳамеша баҳри болафшонии он талош намуд.

Иштирокчиёни лагер аз ташкили чунин як лагери омӯзишию сайёҳӣ изҳори хушнудӣ намуданд. Яке аз иштирокчиёни лагер Нуриддинзода Мирзомиддин доир ба иштирокаш гуфт: “Бори якум аст, ки дар чунин лагерҳо иштирок мекунам. Ман хеле хурсанд ҳастам, ки дар чунин лагер иштирок намуда, аз мавзеъҳои таърихии кишварамон дидан карда истодаам”.

Аз ҷараёни лагери мазкур дар соатҳои баъдӣ низ иттилоъ хоҳем дод.