Бахшида ба 20-солагии Ваҳдати миллӣ ва «Соли ҷавонон» бо иқдоми Бахши ҷавонон, варзиш ва сайёҳии шаҳри Сарбанд “Корвони ҷавонон” таҳти унвони «Дӯст ояд, гарм дар оғӯш гир» доир гардид.

Корвони мазкур сафари аввалини худро аз деҳаи Эшонободи ҷамоати деҳоти «Гулистон»-и шаҳр оғоз кард. Ба ҳайати он кормандони ҷавон ва фаъолони корхонаҳо, хонандагони лаёқатманди муассисаҳои таълимӣ, гирандагони стипендияи Президентӣ шомил буданд.

Мақсади корвони мазкур боло бурдани ҳисси ватандӯстӣ ва сулҳу ваҳдатхоҳии ҷавонон, шиносоӣ бо дастовардҳои якдигар, содиқ будан ба эътимоду эътиқоди Сарвари давлат таъсис дода шудааст.

Мавриди зикр аст, ки тибқи нақшаи Мақомоти иҷроияи ҳокимияти давлатии шаҳр ин барнома рӯзҳои шанбеи ҳар ҳафта дар деҳаю ҷамоатҳои  «Ваҳдат», «Гулистон» ва маркази шаҳр гузаронида мешавад.

Умед Мирзоев, “ҶТ”