Дар Донишгоҳи давлатии Қарағандаи Ҷумҳурии Қазоқистон Олимпиадаи байналмилалии забонҳо миёни донишҷӯёни 22 донишгоҳи Осиёи Марказӣ баргузор гардид, ки дар он аз Тоҷикистон 10 донишҷӯ иштирок ва аз рӯи 18 забони дунё сабқат намуданд. 

Дидор Мародасейнов, донишҷӯи Донишгоҳи давлатии Хоруғ ба номи М. Назаршоев ҳамчун донандаи беҳтарини забони англисӣ сазовори ҷои аввал гардид. Номбурда бо чор забон - англисӣ, тоҷикӣ, русӣ ва шуғнӣ дар мавзӯҳои интихобнамудаи ҳайати ҳакамон озод суханронӣ кард. Эссеи ба забони англисӣ навиштаи ӯ сазовори баҳои баланди аъзои ҳакамон гардид.

Ҳамчунин, Самандар Шералиев, аз Донишгоҳи давлатии омӯзгории Тоҷикистон ба номи Садриддин Айнӣ, бо донистани ҳафт забон, ҷоизаи “Суперполиглот” (донандаи чанд забон) ва Фирӯз Норов, аз Донишкадаи давлатии забонҳо ба номи Сотим Улуғзода, бо донистани шаш забон ҷоизаи “Полиглот” - ро соҳиб шуданд. Ба эссеи бо забони қазоқӣ навиштаи Фирӯз Норов низ ҳакамон баҳои баланд доданд.