ҶАВОНОН
Ҷумъа 19 Апрел 2024 06:57
18-уми феврал дар Филармонияи давлатии Ҷумҳурии Тоҷикистон ба номи Акашариф Ҷӯраев Фестивали ҷумҳуриявии “Таронаи сарбоз” баргузор гардид.
Фестивал аз тарафи Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида шуда, дар он роҳбарони вазорату идораҳо ва сарбозону афсарони қисмҳои низомӣ, донишҷӯёни донишгоҳҳо ва толибилмони муассисаҳои таълимии ҳудуди шаҳри Душанбе иштирок намуданд.
Раҳмонзода Абдулло, раиси Кумитаи кор бо ҷавонон ва варзиши назди Ҳукумати кишвар зимни суханронии ифтитоҳӣ сарбозону афсарони қисмҳои низомиро бо ҷашни 27-солагии таъсиси Қувваҳои Мусаллаҳи Ҷумҳурии Тоҷикистон муборакбод намуда, зикр кард, ки Артиши миллии Тоҷикистон дар муддати на чандон тӯлонӣ бо заҳматҳои шабонарӯзии Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба неруи тавоно ва қувваи бузурге табдил ёфт, ки имрӯз бо тамоми ҳастӣ марзу буми кишвар ва амнияти давлати моро таъмин намуда истодааст. Артиши миллии Тоҷикистон яке аз дастовардҳои муҳимтарини даврони Истиқлолият маҳсуб мешавад.
-Дар ин толор беҳтарин сарбозони ҷузъу томҳои Қувваҳои Мусаллаҳ ҷамъ омадаанд. Дар ин лаҳзаҳо ҳазорон нафар аскарону афсарон ва сарбозони шуҷои Ватан дар сарҳади давлатӣ марзу буми мамлакати моро ҳимоя намуда истодаанд. Роҳи ҳимояи Ватан - роҳи ҷавонмардист. Аз ин рӯ, бо истифода аз фурсат ҷавононро ба хизмати Ватан-Модар даъват менамоям. Зеро хизмати ҳарбӣ майдони ҷасорат ва мактаби бузурги ҷавонмардӣ буда, дар он ҷавонон обутоб меёбанд ва эҳсоси баланди ватандӯстиашонро таҳким мебахшанд, - гуфт Раҳмонзода Абдулло.
Таъкид гардид, ки ҳеҷ як давлате бидуни Артиши миллӣ устувору поянда нахоҳад монд. Ҳифзи Ватан, ҳимояи манфиатҳои давлату миллат ин мактаби бузурги ҷасорату мардонагӣ ва далериву шуҷоат аст, ки ин вазифаи муқаддас ва пурифтихори на танҳо хизматчиёни ҳарбӣ, балки ҳар як фарди солимфикр ва бонангу номуси кишвар, махсусан насли ҷавон мебошад.
Дар идома гуфта шуд, ки хизмат дар сафи Артиши миллӣ барои ҷавонон яке аз муҳимтарин мактабҳои обутоби ҳаёт аст. Маҳз дар ҳамин ҷо ҳар яки мо шуҷоату мардонагӣ омӯхта, муқаддастарин арзиши ҳаёт – дӯст доштан ва содиқона муҳофизат кардани хоки поки Ватани азизро меомӯзем. Артиши миллии Ҷумҳурии Тоҷикистон дар вазъияти бисёр вазнини сиёсиву иқтисодӣ таъсис ёфт, вале он дар натиҷаи андешидани тадбирҳои мунтазам марҳила бар марҳила устувору қавитар гардид. Қудрату тавоноӣ ва омодагии комили Қувваҳои Мусаллаҳ дар ҳимоя, пешгирӣ ва мубориза бар зидди ҳама гуна хавфу хатар ва таҳдидҳо ҳам дар амал ва ҳам дар машқҳои низомӣ борҳо собит шудааст.
Баъди суханони ифтитоҳӣ аз тарафи гурӯҳи овозхонони ба фестивал ташрифоварда, барномаи фарҳангиву фароғатӣ пешниҳоди аҳли толор гардид, ки дар он намояндагони оркестрҳои қисмҳои низомӣ, сарбозону афсарон ва як қатор овозхонони дигари кишвар дар васфи ватандӯстӣ, ҳифзи Ватан, Тоҷикистон, марзу бум, ҷавонӣ, ишқ ва ҳаёти зебои даврони хизмати Ватан – Модар суруд сароиданд.
Каримҷон Салимзода, корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон гуфт, мақсад аз баргузории фестивал баланд бардоштани ҳисси ватандӯстию меҳанпарастӣ, маърифати сиёсӣ ва ҳуқуқии ҷавонон, эмин нигоҳ доштани онҳо аз ҳар гуна хатарҳои замон, ҳидоят ёфтани онҳо ба бунёдкорӣ ва созандагии кишвар ва дар дилашон бедор кардани ҳисси миллӣ ва дӯст доштани арзишҳои фарҳангӣ мебошад.
-Дар фестивал сарбозону афсарони қисмҳои низомиро ба чорабинӣ даъват намудем, то лаҳзае ҳам бошад, онҳо дар арафаи рӯзи ҷашни касбияшон фароғату истироҳате дошта бошанду бо шунидани таронаҳои ватандӯстона ғизои маънавӣ бигиранд,-гуфт К.Салимзода.
Ташкилкунандагони фестивал иброз доштанд, ки фестивали мазкур ҳар сол дар арафаи таҷлили солгарди ҷашни Рӯзи таъсисёбии Қувваҳои Мусаллаҳи Ҷумҳурии Тоҷикистон дар сатҳи ҷумҳурӣ баргузор мешавад. Дар ин баробар аз тарафи Кумитаи кор бо ҷавонон ва варзиш баҳри баланд бардоштани сатҳи маърифати хештаншиносӣ ва бедор кардани ҳисси баланди ватандӯстию меҳанпарварӣ дар ниҳоди аҳли ҷомеа, хусусан, ҷавонону наврасон чорабиниҳову ҳамоишҳои гуногуни фарҳангию сиёсӣ доир мегарданд.
Дар фарҷом сарояндагони беҳтарин сурудҳо соҳиби “Сипоснома” ва туҳфаҳои хотиравии Кумитаи кор бо ҷавонон ва варзиши назди Ҳукумати Ҷумҳурии Тоҷикистон гардиданд.
Ёдовар мешавем, ки 18 декабри соли 1992 аз ҷониби Раиси Шӯрои Олии Ҷумҳурии Тоҷикистон Эмомалӣ Раҳмон Қарор “Дар бораи таъсиси Қувваҳои Мусаллаҳи Ҷумҳурии Тоҷикистон” ба имзо расид. Бо гузашти бештар аз як сол аз ин воқеа, аниқтараш 23 феврали соли 1994 дар рӯзи солгарди нахустини Артиши миллӣ гашти низомии сарбозону афсарони Қувваҳои Мусаллаҳи навтаъсиси Тоҷикистон баргузор гардид. Пас аз он рӯзи 23-юми феврал расман ҳамчун санаи таъсиси Қувваҳои Мусаллаҳи Ҷумҳурии Тоҷикистон эълон карда шуд. Қувваҳои Мусаллаҳ аз рӯзҳои таъсисаш се марҳиларо паси сар намудааст. Аз ҷумла, давраҳои сохтмону поягузории Артиш, бунёди навъҳои Қувваҳои Мусаллаҳ ва таҳкиму тақвият бахшидани омодагии ҷангии он.
Фестивал аз тарафи Кумитаи кор бо ҷавонон ва варзиши назди Ҳукумати Ҷумҳурии Тоҷикистон гузаронида шуда, дар он роҳбарони вазорату идораҳо ва сарбозону афсарони қисмҳои низомӣ, донишҷӯёни донишгоҳҳо ва толибилмони муассисаҳои таълимии ҳудуди шаҳри Душанбе иштирок намуданд.
Раҳмонзода Абдулло, раиси Кумитаи кор бо ҷавонон ва варзиши назди Ҳукумати кишвар зимни суханронии ифтитоҳӣ сарбозону афсарони қисмҳои низомиро бо ҷашни 27-солагии таъсиси Қувваҳои Мусаллаҳи Ҷумҳурии Тоҷикистон муборакбод намуда, зикр кард, ки Артиши миллии Тоҷикистон дар муддати на чандон тӯлонӣ бо заҳматҳои шабонарӯзии Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба неруи тавоно ва қувваи бузурге табдил ёфт, ки имрӯз бо тамоми ҳастӣ марзу буми кишвар ва амнияти давлати моро таъмин намуда истодааст. Артиши миллии Тоҷикистон яке аз дастовардҳои муҳимтарини даврони Истиқлолият маҳсуб мешавад.
-Дар ин толор беҳтарин сарбозони ҷузъу томҳои Қувваҳои Мусаллаҳ ҷамъ омадаанд. Дар ин лаҳзаҳо ҳазорон нафар аскарону афсарон ва сарбозони шуҷои Ватан дар сарҳади давлатӣ марзу буми мамлакати моро ҳимоя намуда истодаанд. Роҳи ҳимояи Ватан - роҳи ҷавонмардист. Аз ин рӯ, бо истифода аз фурсат ҷавононро ба хизмати Ватан-Модар даъват менамоям. Зеро хизмати ҳарбӣ майдони ҷасорат ва мактаби бузурги ҷавонмардӣ буда, дар он ҷавонон обутоб меёбанд ва эҳсоси баланди ватандӯстиашонро таҳким мебахшанд, - гуфт Раҳмонзода Абдулло.
Таъкид гардид, ки ҳеҷ як давлате бидуни Артиши миллӣ устувору поянда нахоҳад монд. Ҳифзи Ватан, ҳимояи манфиатҳои давлату миллат ин мактаби бузурги ҷасорату мардонагӣ ва далериву шуҷоат аст, ки ин вазифаи муқаддас ва пурифтихори на танҳо хизматчиёни ҳарбӣ, балки ҳар як фарди солимфикр ва бонангу номуси кишвар, махсусан насли ҷавон мебошад.
Дар идома гуфта шуд, ки хизмат дар сафи Артиши миллӣ барои ҷавонон яке аз муҳимтарин мактабҳои обутоби ҳаёт аст. Маҳз дар ҳамин ҷо ҳар яки мо шуҷоату мардонагӣ омӯхта, муқаддастарин арзиши ҳаёт – дӯст доштан ва содиқона муҳофизат кардани хоки поки Ватани азизро меомӯзем. Артиши миллии Ҷумҳурии Тоҷикистон дар вазъияти бисёр вазнини сиёсиву иқтисодӣ таъсис ёфт, вале он дар натиҷаи андешидани тадбирҳои мунтазам марҳила бар марҳила устувору қавитар гардид. Қудрату тавоноӣ ва омодагии комили Қувваҳои Мусаллаҳ дар ҳимоя, пешгирӣ ва мубориза бар зидди ҳама гуна хавфу хатар ва таҳдидҳо ҳам дар амал ва ҳам дар машқҳои низомӣ борҳо собит шудааст.
Баъди суханони ифтитоҳӣ аз тарафи гурӯҳи овозхонони ба фестивал ташрифоварда, барномаи фарҳангиву фароғатӣ пешниҳоди аҳли толор гардид, ки дар он намояндагони оркестрҳои қисмҳои низомӣ, сарбозону афсарон ва як қатор овозхонони дигари кишвар дар васфи ватандӯстӣ, ҳифзи Ватан, Тоҷикистон, марзу бум, ҷавонӣ, ишқ ва ҳаёти зебои даврони хизмати Ватан – Модар суруд сароиданд.
Каримҷон Салимзода, корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон гуфт, мақсад аз баргузории фестивал баланд бардоштани ҳисси ватандӯстию меҳанпарастӣ, маърифати сиёсӣ ва ҳуқуқии ҷавонон, эмин нигоҳ доштани онҳо аз ҳар гуна хатарҳои замон, ҳидоят ёфтани онҳо ба бунёдкорӣ ва созандагии кишвар ва дар дилашон бедор кардани ҳисси миллӣ ва дӯст доштани арзишҳои фарҳангӣ мебошад.
-Дар фестивал сарбозону афсарони қисмҳои низомиро ба чорабинӣ даъват намудем, то лаҳзае ҳам бошад, онҳо дар арафаи рӯзи ҷашни касбияшон фароғату истироҳате дошта бошанду бо шунидани таронаҳои ватандӯстона ғизои маънавӣ бигиранд,-гуфт К.Салимзода.
Ташкилкунандагони фестивал иброз доштанд, ки фестивали мазкур ҳар сол дар арафаи таҷлили солгарди ҷашни Рӯзи таъсисёбии Қувваҳои Мусаллаҳи Ҷумҳурии Тоҷикистон дар сатҳи ҷумҳурӣ баргузор мешавад. Дар ин баробар аз тарафи Кумитаи кор бо ҷавонон ва варзиш баҳри баланд бардоштани сатҳи маърифати хештаншиносӣ ва бедор кардани ҳисси баланди ватандӯстию меҳанпарварӣ дар ниҳоди аҳли ҷомеа, хусусан, ҷавонону наврасон чорабиниҳову ҳамоишҳои гуногуни фарҳангию сиёсӣ доир мегарданд.
Дар фарҷом сарояндагони беҳтарин сурудҳо соҳиби “Сипоснома” ва туҳфаҳои хотиравии Кумитаи кор бо ҷавонон ва варзиши назди Ҳукумати Ҷумҳурии Тоҷикистон гардиданд.
Ёдовар мешавем, ки 18 декабри соли 1992 аз ҷониби Раиси Шӯрои Олии Ҷумҳурии Тоҷикистон Эмомалӣ Раҳмон Қарор “Дар бораи таъсиси Қувваҳои Мусаллаҳи Ҷумҳурии Тоҷикистон” ба имзо расид. Бо гузашти бештар аз як сол аз ин воқеа, аниқтараш 23 феврали соли 1994 дар рӯзи солгарди нахустини Артиши миллӣ гашти низомии сарбозону афсарони Қувваҳои Мусаллаҳи навтаъсиси Тоҷикистон баргузор гардид. Пас аз он рӯзи 23-юми феврал расман ҳамчун санаи таъсиси Қувваҳои Мусаллаҳи Ҷумҳурии Тоҷикистон эълон карда шуд. Қувваҳои Мусаллаҳ аз рӯзҳои таъсисаш се марҳиларо паси сар намудааст. Аз ҷумла, давраҳои сохтмону поягузории Артиш, бунёди навъҳои Қувваҳои Мусаллаҳ ва таҳкиму тақвият бахшидани омодагии ҷангии он.
Хабарҳои дигар
Рӯзнома
Эзоҳи худро нависед