Ҷиҳати дар сатҳи баланд таҷлил намудани Рӯзи ҷавонони Тоҷикистон дар шаҳри Гулистон чорабиниҳои як моҳи ҷавонӣ оғоз гардид.

Ба ин муносибат дар мақомоти иҷроияи ҳокимияти давлатии шаҳр мулоқоти Раиси шаҳри Гулистон Матлубахон Амонзода бо ҷавонони фаъол баргузор гардида, раиси шаҳр зимни суханронии худ оид ба нақш ва мақоми ҷавонон дар ҷомеаи имрӯза ва хусусан дар марҳилаи нави рушди Тоҷикистони соҳибистиқлол ибрози назар намуда, ҷавононро ба амалҳои шоиста ва корҳои бунёдкориву созандагӣ даъват намуд.

Гуфта шуд, ки масъалаи тарбияи ҷавонон дар шароити имрӯза яке аз самтҳои муҳими сиёсати пешгирифтаи Президенти кишварро ташкил медиҳад.