ҶАВОНОН
Шанбе 24 Феврал 2018 12:55
3862
Бо мақсади пешгирии ҷавонон ба гурӯҳҳои тундраву террористӣ, равияву ҷараёнҳои иртиҷоӣ ва дигар падидаҳои номатлуб дар шаҳри Хоруғ таҳти унвони “Ифротгароии ҷавонон: омилҳо ва роҳҳои пешгирии он” мизи мудаввар доир гардид.

Дар он намояндагони мақомоти иҷроияи маҳаллии ҳокимияти давлатии ВМКБ, раёсатҳои Кумитаи давлатии амнияти миллӣ, Вазорати корҳои дохилӣ, Кумитаи кор бо ҷавонон ва варзиш ва донишҷӯён иштирок доштанд.

Зимни ироаи маърӯзаи хеш Ризо Раҳматшоев, сардори Раёсати кор бо ҷавонон ва варзиши ВМКБ аз сатҳи бекории ҷавонони вилоят изҳори нигаронӣ карда, гуфт:

- Имрӯз дар байни ҷавонон теъдоди бекорон зиёд аст. Бинобар ин, дар доираи имконоти буҷаи ҷумҳурӣ фишангҳои амалигардидани барномаҳои қабулгаштаи давлатиро, ба монанди “Барномаи паст кардани сатҳи камбизоатии аҳолӣ”, хусусан, дар сатҳи маҳалҳо бояд хуб ба роҳ монд. Ҳамчунин, ба танзим даровардани муҳоҷирати меҳнатӣ ва додани қарзҳои бефоиз бар асоси рӯйхати тартибдодашуда дар сатҳи шаҳру ноҳияҳо аз фоида холӣ нахоҳад буд. Ғояҳои аслии дини мубини ислом, - афзуд сардори Раёсат, - бар асоси тафаккури инсондӯстона, эҳтиром ба ақидаи ҳамдигар, ҳамзистиву бародарӣ ва ҳифзи сулҳу суботи ҷомеа бунёд ёфтааст ва он ҳама гуна тундравӣ, бадбиниву хушунат ва ҷангу ҷидолро, ки ҳизбҳои ифротгаро таблиғ месозанд, шадидан маҳкум менамояд. Ҳарчанд зоҳиран, ҳизбу ҳаракатҳои тундрав барои ислом “хидмат мекунанд”, аммо дар ҳақиқат онҳо душманони аввалиндараҷаи ислом ва мусулмононанд.

Зикр гардид, ки то ҳол аз ҳисоби сокинони ноҳияҳои Ванҷу Дарвоз 44 нафар дар сафи гурӯҳҳои ДИИШ ва дигар созмонҳои ифротгарою террористӣ қарор дошта, вобаста ба масоили марбут ниҳодҳои қудратии кишвар тадбирҳои таъсирбахшро ба кор бурда истодаанд.
Майсара Азизбекова, сардори Шуъбаи кор бо ноболиғон ва ҷавонони РВКД оид ба мавзӯи "Таҳлил ва баҳогузории ифротгароӣ дар ВМКБ” баромад намуда, теъдоди ҷиноятҳои аз ҷониби ҷавонону наврасон ва ноболиғони вилоят содир шударо 66 ҳолат арзёби намуд.

Ҳамчунин мутахассиси пешбари Шуъбаи рушди иҷтимоӣ ва робита бо ҷомеаи дастгоҳи раиси вилоят, Амирҷонзода Солеҳҷони Адабҷон, Парвиз Додхудоев, намояндаи Раёсати Кумитаи давлатии амнияти миллӣ, Ҷумахонов Шодихон, корманди Шуъбаи оид ба корҳои дин танзиму анъана ва ҷашну маросимҳои мардумӣ, Дидоршо Насрддинов, муовини директори Маркази ҷавонони вилоят, Юсуф Асадбеков, мудири Шуъбаи кор бо ҷавонони Донишгоҳи давлатии Хоруғ фикру андешахои худро перомуни масоили терроризму ифротгароӣ баён намуданд.


Эзоҳи худро нависед



Рамзҳо дар расм

соли ҷавононн

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 1 2 3 4

Феврал 2018 c.