Аз ҷониби масъулини Бахши кор бо ҷавонон ва варзиши ноҳияи Айнӣ дар асоси нақша-чорабиниҳо қабл аз баргузории футбол миёни дастаҳои “Такфон” ва “Работ” ба дӯстдорони ин намуди зебои варзиш хониши сиёсӣ гузаронида шуд.

Дар ин вохӯрӣ оид ба иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъат бахшидан ба корҳои ободониву бунёдкорӣ бахшида ба ҷашни 30-солагии Истиқлолияти давлатӣ, пешгирии бемориҳои сироятӣ, бахусус коронавирус, пешгирӣ намудани шомилшавии ҷавонон ба ҳизбу ҳаракатҳои ифротгаро ва истифодаи самараноки заминҳои наздиҳавлигӣ, ёрирасон ва хоҷагиҳои деҳқонӣ суханронӣ сурат гирифт.