16 апрел дар доираи нақшаи муштараки баргузории силсилаи мулоқоту вохӯриҳои сохторҳои дахлдор дар самти татбиқи сиёсати давлатии ҷавонон ва тарбияи ватандӯстии шаҳрвандон дар саҳни Коллеҷи омӯзгории ноҳияи Лахш Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ҳайати омӯзгорон, ҷавонони фаъол ва донишҷӯёни муассиса суҳбат намуд.

Таъкид гардид, ки замони муосир аз тамоми қишрҳои ҷомеа тақозо менамояд, то эҳсоси ватандӯстии худро тақвият бахшанд ва баҳри ҳифзи арзишҳои миллию давлатдорӣ дар талош бошанд. Зеро маҳз ватандӯстию арҷ гузоштан ба арзишҳои миллӣ маҳаки асосии пойдории ҳар як давлату миллат дар замони зудтағйирёбанда ба ҳисоб меравад.

Зимнан, дар фарҷоми суҳбат ба фаъолҷавонони муассиса туҳфаҳои варзишӣ эҳдо гардид.