26 - 28 апрели соли ҷорӣ аз ҷониби Кумитаи ҷавонон, варзиш ва сайёҳии назди Ҳукумати ҷумҳурӣ дар якҷоягӣ бо Вазорати корҳои дохилӣ ва Федератсияи футболи Тоҷикистон меҳмонии ҷавонон ба шаҳри Турсунзода ва ноҳияи Файзобод баргузор мегардад.

Дар чорабинии мазкур зиёда аз 50 нафар ҷавонон аз минтақаҳои гуногуни кишвар ҷалб карда шудаанд.

Ҳадаф аз баргузории чорабинӣ пеш аз ҳама шиносоии ҷавонон бо расму оинҳои минтақаҳои кишвар, аз наздик ошно шудан бо урфу одат, таъриху фарҳанг ва суннатҳои хоси ниёгонамон ва таҳкими дӯстиву ҳамдилии ҷавонон ба ҳисоб рафта, иштирокчиён давоми се рӯз дар макони истиқоматии бо оилаҳои фаъолу намунавӣ ҳамсӯҳбат ва зиндагӣ хоҳанд кард.

Субҳи имрӯз меҳмонии ҷавонон дар ду минтақаи кишвар сурат гирифта, як гурӯҳи 25 нафара ба шаҳри Турсунзода ва гурӯҳи дигари иборат аз 25 нафар ба ноҳияи Файзобод сафар намуданд.

Шералӣ АЗИМӢ “ҶТ”