ҶАВОНОН
Ҷумъа 07 Август 2020 11:37
7100
Зери ин унвон имрӯз дар Осорхонаи миллии Тоҷикистон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон конференсияи назариявӣ-амалӣ доир гардид.

Аҳмадзода Дилноза, муовини раиси Кумитаи кор бо ҷавонон ва варзиши назди Ҳукумати кишвар конференсияро оғоз бахшида, иброз дошт, ки чорабинӣ дар ҳошияи филми мустанади “Хиёнат” доир гардида, иштирокчиён вобаста ба хиёнаткориҳои намояндагони собиқ ҳизби террористии наҳзати исломӣ муҳокимаронӣ менамоянд.

Номбурда зимни баромади хеш қайд кард, ки хоинони хиёнаткор дин, мазҳаб, падару модар, ёру бародар, инчунин ватан ва Худо надоранд. Филми мустанади “Хиёнат” ба сокинони кишвар нишон дод, ки хиёнатпешагону ватанфурушон маҳз сабаби даргириҳои солҳои ҷанги таҳмилии шаҳрвандӣ дар кишвар гардида, дар натиҷаи он ҳазорҳо нафар мардуми бегуноҳ ҳалоку ҳазорҳои дигар ба кишварҳои ҳамсоя гуреза шуданд. Мардуми тоҷик бори дигар тавассути филми мазкур аз амалҳои зишти хоинони миллат огаҳ гардида, чеҳраҳои хоинони манфурро диданд. Имрӯз лозим аст, ки ҳар як сокини кишвар хоинони миллату давлатро шиносанду бар муқобили онҳо муборизаи беамон баранд. Вазифаи имрӯзаи ҳар як сокини мамлакат он аст, ки дар оромию ободонии кишвар саҳм гузораду ба қадри сулҳу субот расад ва таҳкимбахши он бошад.

Баъдан сардори Раёсати кор бо ҷавонон ва варзиши шаҳри Душанбе Шаҳзод Раҳимзода баромад намуда, андешаҳои худро доир ба филми мазкур иброз дошта, таъкид намуд, ки бояд амалҳои хоинони миллатро маҳкум карда, нисбати он бетарафӣ зоҳир нанамоем. 

Таъкид гардид, ки филми “Хиёнат” бо факту далелҳои аниқ аз фаъолияти нопоки собиқ ҳизби наҳзати исломӣ қиса карда, он фаъолияти ғайриахлоқию ғайриқонунии онҳоро ба мардум нишон дод.

Дар идомаи конференсия кормандони бахшу раёсатҳои кумита доир ба филми “Хиёнат” маърӯъзаҳои худро қироат намуда, ба таҳиягарони филми мазкур изҳори сипос намуда, таъкид карданд, ки филми мазкур метавонад, ҷавононро ба он водор кунад, ки ҳамеша зиракии сиёсӣ дошта бошанду боз ҳам муттаҳид гардида, бар зидди амалҳои зишти чунин афроди нопок мубориза баранд.

Дар охири конфронс муроҷиатномаи ҷавонони Тоҷикистон оид ба филми мустанади “Хиёнат” қироат гардид. 

БеҳрӯзХОЛМУРОДОВ,
 Рустам ОДИНАЕВ, “ҶТ”

2.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.