ҶАВОНОН
Ҷумъа 15 Ноябр 2019 04:41
1496
Ҷавонон дар татбиқи лоиҳаҳои минтақавӣ фаъол мешаванд?

Тавре қаблан иттилоъ дода будем, аз 21-ум то 29-уми август дар Ҷумҳурии Мардумии Чин аввалин Лагери ҷавонони СҲШ баргузор гашт, ки дар он 130 ҷавон аз кишварҳои Қазоқистон, Қирғизистон, Русия, Тоҷикистон, Чин, Белорусу Афғонистон, Ҳинду Покистон ва Эрону Муғулистон иштирок карданд. Ҳайати Тоҷикистонро, ки 15 нафар ҷавон аз вазорату идораҳо ва расонаҳои ахбор буданд, намояндаи Дастгоҳи иҷроияи президент Гулноз Мирзоева роҳбарӣ мекард

СИНЗИЯН – МИНТАҚАИ СТРАТЕГӢ

Сафари ҳайатҳои ҷавонони СҲШ аз вилояти автономии Синзиян, ки дар ши¬молу ғарби Ҷумҳурии Мардумии Чин воқеъ аст, оғоз ёфт. Иштирокчиён бо ширкатҳои саноатӣ ва тиҷоратии вило¬ят шинос шуданд. Хусусан, ширкатҳои бузург ва маъруфи “Hualing Industry & Trade Group Co., Ltd” ва “YEMA Group Co., Ltd.”.
Ширкати якум соҳиби бонкҳо ва марказҳои зиёди тиҷоратӣ ҳам дар ҳудуди Чин ва ҳам берун аз он буда¬аст. Сармояи асосиаш дар поёни соли гузашта ба 22 миллиард юан (асъори Чин) баробар шуда, даромади холисаш 690 миллион юанро ташкил медиҳад. Ширкати YEMA бошад, асосан ширкати технологист бо сармояи 150 миллион доллар.
Маълум гардид, ки масоҳати ви¬лоят 1 660 000 километри мураббаъ буда, аз шаш як ҳиссаи Чинро таш¬кил медиҳад ва бо кишварҳои Русия, Муғулистон, Қазоқистон, Қирғизистон, Тоҷикистон, Покистон, Афғонистон ва Ҳинд ҳамсарҳад аст. Бино ба гуфтаи худи чиниҳо 17 бандари навъи якум дар ин вилоят воқеъ аст. Синзиян дар гу¬зашта гузаргоҳи асосии Роҳи Абрешим маҳсуб мешудааст.

Айни ҳол дар Синзиян 47 халқу миллатҳо, аз ҷумла тоҷикон зиндагонӣ мекунанд. Шумораи аҳолии вилоят 22 643 миллионро ташкил медиҳад.
Синзиян, хусусан маркази он Урумчӣ минтақаи тиҷоратӣ аст. Бозорҳояш ҳам серодаманд. Шояд аз ҳамин сабаб бо¬шад, ки нисбат ба дигар шаҳру ноҳияҳои Чин кӯчаву бозорҳояш чандон тозаву та¬миз нестанд.

Вале як чизи ҷолиб дар ин вилоят он буд, ки занҳои солманд ҳар бегоҳ дар боғҳо ҷамъ омада, зери садои мусиқӣ мерақсанд. Вақте пурсон шудем, гуф¬танд, ин як усули тарзи ҳаёти солим аст ва ба ҳукми анъана даромадааст. Дигар чизи ҷолиби диққат он буд, ки баробари ғуруби офтоб пиру барно, зану мард ба наздиктарин варзишгоҳ рафта, ба обуто¬би бадан машғул мешаванд. Маъмулан медаванд...

Рӯзи 23 август дар доираи Лагери ҷавонони кишварҳои узви СҲШ семина¬ри "Минтақаи иқтисодии Роҳи Абрешим" баргузор гашт. Дар он асосан атрофи аҳамияти Лоиҳаи иқтисодӣ-минтақавии "Роҳи нави Абрешим" ва бурди кишварҳои шарики лоиҳа суҳбат шуд. Намояндаи Федератсияи умумичинии ҷавонон Ши Тианчи зикр кард, ҷавонон ҳамчун нерӯи фаъоли кишварҳои минтақа барои татбиқи лоиҳаи маз¬кур нақши муҳим доранд. Аз ин лиҳоз кишвараш ба ҳамоҳангии ҷавонони кишварҳои СҲШ алоқаманд аст.

САЁҲАТ ДАР РЕГЗОР

Рӯзи 24 август иштирокчиён ба ви¬лояти Муғулистони дохилии Чин раф¬танд. Субҳи рӯзи дигар дар ин вилоят лагери ҷавонони СҲШ расман ифтитоҳ ёфт. Иштирокчиёни лагер дар 6 гурӯҳ тақсим шуда, ба биёбон – регзори “Ку¬бутси” раҳсипор шуданд. Бояд гуфт, бах¬ши ҷолибу хотирмони лагери ҷавонон, саёҳат дар регзори “Кубутси” буд. Дар он бозиҳои гуногуни варзишӣ бар¬гузор гашт. Чунончи дар тай кардани теппаҳои регзор аввалин шуда ҳайати даҳнафараи гурӯҳи 3 ба марра расид. Инчунин, дар давидан ба масоҳати 3 километр намояндаи Тоҷикистон – Зу¬байдулло Маҳмадуллоев ғолиб шуд. Намояндагони Тоҷикистон дар бозии дарёфти ҷавоҳирот ва бозиҳои дигари гурӯҳӣ фаъол буданд. Умуман, ғолиби мусобиқаҳои варзишии регзори “Кубут¬си” гурӯҳи 3 дониста шуд, ки дар он на¬мояндагони Русия, Белорус, Қазоқистон, Ҳинду Тоҷикистон шомил буданд. Аз ҳайати Тоҷикистон дар ин гурӯҳ банда ва муҳаррири телевизиони “Варзиш” Мирхон Ҳусайнов иштирок дошт.

ҶАВОНОН - ОФТОБИ ДУРАХШОН

27-29 август лагери ҷавонон дар пой¬тахти Ҷумҳурии Мардумии Чин - шаҳри Пекин идома кард.
Як бахши дигари хотирмони лагер дидани “Девори бузург” ё “Садди Чин” буд. 29 август ба ҷавонон муяссар гар¬дид, ки зинаҳои сершумори ин макони таърихиро боло шаванд...
Ҳамин тавр, дар рафти лагер ҳайатҳо сари масъалаҳои актуалии ҷаҳон ва минтақа суҳбат карда, ба натиҷаи дилхоҳ расиданд. Сипас, санадеро дар робита ба масъалаҳои актуалии арсаи байналхалқӣ қабул ва ба котиботи СҲШ супурданд. Чанде аз масъалаҳои асосие, ки ҷавонон барои роҳи ҳаллаш чораҳо пешниҳод карданд, инҳо буданд: тер¬роризм, оқибатҳои нохуши тағйирёбии иқлим, сустинкишофёбии ҳамкориҳои минтақавии АвруОсиё, мушкилиҳо бо¬бати интиқоли молу маҳсулот ва таъсиси даҳлези иқтисодӣ дар доираи лоиҳаи “Як роҳу як камарбанд” ва масъалаи дастрасӣ ба оби тоза ва ҷалби ҷавонон дар татбиқи лоиҳаҳои вобаста ба он.

Чин конфронс.jpg

Инчунин, дар доираи барномаи маъ¬рифатии лагер вохӯрӣ бо намояндагони мақомоти давлатии Ҷумҳурии Марду¬мии Чин, созмонҳои ҷавонони Чин ва Созмони Ҳамкории Шанхай сурат ги¬рифт. Чунончи зимни вохӯрӣ бо муови¬ни котиби генералии СҲШ, ҷаноби Ван Кайвэн ҳайатҳо дурнамои ҳамкориҳои ҷавонони созмонро баррасӣ намуданд. Мавсуф ҷавононро ба муҳаррикони за¬мон ва офтоби дурахшон ташбеҳ дода гуфт, омили асосии рушд лоиҳаҳои муш¬тарак дар самти инноватсия ва бахши фарҳангӣ-гуманитарӣ мебошад.
Вохӯрӣ ва мулоқот бо Ли Хуэйла, муовини вазири корҳои хориҷии Чин, Ма Ксин, директори Маркази чинии мубодилаҳои байналмилалӣ ва намоян¬дагони Вазорати тиҷорати Чин низ яке аз бахшҳои лагер буд.

Дар доираи барномаи маърифатии лагер ҷавонон семинару маърӯзаҳои вобаста ба татбиқи сиёсати ҷавонони кишварҳои СҲШ-ро шуниданд. Ҷониби Тоҷикистон низ аз сиёсати давлатии ҷавонон дар кишвар ба иштирокчиё¬ни лагер маълумот дод. Гузашта аз ин, ҷавонон бо асосҳои рушди Ҷумҳурии Мардумии Чин, сиёсати хориҷии он ши¬нос шуда, дар доираи барномаи “Як роҳу як камарбанд” консепсияҳои гуногуни рушд ва таҷрибаи амалии татбиқи онро баррасӣ карданд.

Ташаббуси баргузор кардани “Лагери ҷавонони СҲШ” ҳар панҷ сол бо ишти¬роки намояндагони ҷавони кишварҳои узву нозири СҲШ дар Чин бори аввал аз ҷониби Президенти Ҷумҳурии марду¬мии Чин Си Ҷинпин июли соли гузашта дар Саммити Уфа садо дода буд.

Таассуроти бештарро аз ин сафар дар шумораҳои минбаъда нашр мекунем.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.