ҶАВОНОН
Ҷумъа 16 Май 2025 06:28
Чанде пеш аз ҷониби ҷомеаи шаҳрвандӣ ва аъзои ҷаласаи Шӯрои ҷамъиятии Ҷумҳурии Тоҷикистон Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон” ва “Стратегияи сиёсати давлатии ҷавонон то соли 2030” мавриди таҳлилу баррасӣ қарор гирифта буд. Мувофиқи тағйиру иловаҳо қонун ва стратегияе, ки ҳамакнун бояд қабул шаванд, барои ҷавонони мамлакат як қатор имтиёз ва бартариҳо хоҳад дод. Вобаста ба ин санадҳо ва дигар паҳлуҳои ҳаёти ҷавонон бо Назарзода Ризо, муовини аввали раиси Кумитаи кор бо ҷавонон ва варзиш суҳбат доштем.
- Тоҷикистон дар миёни кишварҳои собиқ Иттиҳоди Шӯравӣ аз нахустин кишварҳоест, ки қонуни асосии ҷавононро қабул кардааст. Кумита ҷиҳати татбиқи босамари қонуни мазкур кадом иқдомотро амалӣ намуд? Метавонед гӯед, ки Кумита дар иҷрои масъулияти худ то кадом андоза муваффақ аст?
- Боиси ифтихор аст, ки солҳои аввали соҳибистиқлолӣ таваҷҷуҳи Пешвои муаззами миллат ба ин соҳа бисёр саривақтӣ буд. Дар рӯзи 16-уми Раиси Шӯрои Олӣ интихоб шуданашон Сарвари давлат бо ҷавонони мамлакат мулоқот карданд. Ин маънии таваҷҷуҳи олии Роҳбари давлат ба соҳаи ҷавонон буд. Ва нахустин шуда ҷавонони Тоҷикистон ба хотири таҳкими сулҳу суботи ҷомеа ва ҳарчи зудтар расидан ба ваҳдати миллӣ ва истиқрори сулҳ дар бари роҳбари давлат заҳмати зиёд кашиданд. Дар ҳамин давра Иттифоқи ҷавонони Тоҷикистон тавонист мавқеи устувори худро нигаҳ дорад ва иродаи ҷавонони созандаро рӯи даст гирифта, дар заминаи дастуру ҳидоятҳои бевоситаи Пешвои миллат камари ҳиммат бандад. Ҳамин буд, ки соли 1994 ҷавонони кишвар дар интихоботи президентӣ номзадии Эмомалӣ Раҳмонро пешбарӣ карданд.
Ин ҳамбастагии ҷавонон бо Пешвои муаззами миллат аз аввали солҳо бисёр мустаҳкам буд. Қобили зикр аст, ки як моҳ пеш аз имзои Созишномаи истиқрори сулҳ ва ризоияти миллӣ дар Тоҷикистон мулоқоти хоссаи Роҳбари давлат бо ҷавонони кишвар баргузор шуд. Ва дар он пеш аз ҳама масъалаи ба рӯйхати идҳо ва ҷашнҳо дар кишвар ворид намудани 23 май ҳамчун Рӯзи ҷавонон ва таъсиси мақомоти ваколатдори давлатӣ, Кумитаи кор бо ҷавонон дар назди Ҳукумати Ҷумҳурии Тоҷикистон аз масъалаҳои асосӣ буд.
- Оё таҷрибаи Тоҷикистонро дар ин самт дигар кишварҳо низ амалӣ карданд?
- Мо, ки дар миқёси давлатҳои собиқ Иттиҳоди Шӯравӣ ва давлатҳои аъзои ИДМ аз пешгомони соҳа будем, барои кишварҳои дигар ин албатта аҷиб буд. Ва дар воқеъ аз таҷрибаи мо дигар кишварҳо истифода кардаанду мекунанд. Баъзан коршиносон ва мутахассисони соҳаи кор бо ҷавонони моро низ барои таҳияи ин гуна санадҳо даъват карда истодаанд, ки ин барои мо ифтихори бузург аст.
- Ҳоло барои пешрафти соҳа чӣ иқдомҳоро ба роҳ монда истодаед?
- Соли 2019 Пешвои миллат дар Паёми худ ба Маҷлиси Олии мамлакат ба Кумитаи кор бо ҷавонон ва варзиш дастур доданд, ки ба хотири мутобиқ будани ҷавонони имрӯза бо ҷомеаи ҷаҳонӣ махсусан дар самти татбиқи сиёсати давлатии ҷавонон Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон” дар таҳрири нав таҳия гардад. Ва он айни ҳол дар баррасии вазорату идораҳои дахлдор қарор дорад.
Дар ин қонун қариб 80 фоиз навгонӣ ворид шудааст. Тамоми муносибатҳои ҷамъиятии соҳа барои солҳои минбаъда муайян шудааст. Ҳамзамон Стратегияи сиёсати давлатии кор бо ҷавонон низ, ки даҳ сол фаъолият мекард ва имсол муҳлати татбиқи он ба охир расид, дар баррасии вазорату идораҳои дахлдор қарор дорад. Ва дар рӯзҳои наздик ин ҳуҷҷатро низ ба Ҳукумати кишвар пешниҳод мекунем, ки дурнамои сиёсати давлатии кор бо ҷавононро барои то соли 2030 дар бар мегирад.
- Қонун ва стратегияи нав барои ҷавонон нисбати санадҳое, ки пештар қабул шуда буданд, чӣ бартариятҳо медиҳанд?
- Бо назардошти рушди ҷомеаи ҷаҳонӣ ва мавқеъгирии ҷавонони тоҷик ҳам дар дохил ва ҳам дар хориҷи мамлакат, мо умедвор ҳастем, ки қонун ва стратегияе, ки айни замон қабул карда мешавад, ҷавобгӯи талаботи ҷомеаи ҷаҳонӣ аст. Ин санадҳо мавқеи устувори ҷавонони моро дар ҳама ҷабҳаҳо муайян мекунанд. Афзалият ва бартариятҳое, ки дар ин санадҳо зикр шудаанд, ҳатман ба манфиати ҷавонони кишвар хоҳанд буд.
- Кумита дар як соли охир кадом корҳоро ба сомон расонид, ки боиси ифтихори кормандони он ва ҳам ҷавонони кишвар аст?
- Бо дастуру супоришҳои Пешвои миллат муҳтарам Эмомалӣ Раҳмон кумита пайваста кӯшишҳо ба харҷ медиҳад, ки дар асоси таҳияи нақша-чорабиниҳои мушаххаси худ, талаботи ҷавонони кишварро дар заминаи ҳамкориҳои густурда бо дигар вазорату идораҳо бароварда созад. Ва имрӯзҳо ҷавонони кишвар низ дар шукуфон кардани ояндаи худ нақши бориз доранд, ки мисоли равшани ин дастовардҳои фанниву варзишии ҷавонон метавонад бошад.
Баъдан мондагортарин коре, ки кумита ҳамчун ниҳоди идеологӣ дар як соли охир ба анҷом расонид, ин густурда гардонидани иштироки ҷавонон дар ду интихоботи охири кишвар буд. Ҳам дар интихоботи парлумонӣ ва ҳам интихоботи президентӣ ҷавонон нақши бориз доштанд.
Пешниҳоди Эмомалӣ Раҳмон ба мансаби Президенти Ҷумҳурии Тоҷикистон, ки аз ҷониби Иттифоқи ҷавонони мамлакат сурат гирифт, пурифтихортарин коре буд, ки ҳам кумита ва ҳам ИҶТ карданд.
- Дастгирӣ ва ҳавасмандсозии ҷавонон аз ҷониби Ҳукумати кишвар мунтазам мушоҳида мешавад. Оё иштироки ҷавонон дар ҳаёти сиёсию ҷамъиятӣ ва дигар соҳаҳои хоҷагии халқи кишвар шуморо қаноатманд карда метавонад?
- Албатта. Агар дар як соли охир фақат ба иштироки ин қишри ҷомеа ба ду интихоботе, ки давоми 6-7 моҳ гузаштанд, назар кунем ва нақши онҳоро бинем, албатта метавон ба онҳо баҳои сазовор дод.
- Доир ба фаъолияти ташкилотҳои ҷамъиятии кор бо ҷавонон чӣ гуфта метавонед?
- Тибқи қарори дахлдори Ҳукумати кишвар дар назди КҶВ 22 ташкилотҳои кор бо ҷавонон фаъолият мекунанд. Аз ҷониби давлату ҳукумат ҳамасола дар заминаи татбиқи стратегия ҷиҳати муҳайё сохтани шароитҳои мусоид барои ҷавонон имрӯз марказҳои ҷавонон дар қаламрави кишвар қомат рост карда истодаанд, ки бо тамоми инфрасохтор ва талаботи имрӯза мувофиқанд. Ҳамчунин, ташкилотҳои самти кор бо ҷавонон ва корхонаҳои воҳиди давлатӣ, ки дар назди кумита фаъолият мебаранд, аз рӯи низомнома ва талаботи худашон бевосита ба хотири ҷалби ҷавонон ба самтҳои афзалиятноке, ки имрӯз аз рӯи барномаи рушди иҷтимоии ҷавонон дар Ҷумҳурии Тоҷикистон муайян шудааст, фаъолият менамоянд. Бо дарназардошти имконоти мавҷуда махсусан дар давраи бемории коронавируси COVID-19, ки соли 2020 тамоми ҷаҳонро такон дод, хушбахтона мо дар кишвар тавонистем иштироки фаъолонаи ҷавононро дар мубориза, пешгирӣ ва огоҳонидани мардум сари вақт таъмин намоем. Ҳамзамон мавқеи ҷавононро дар дилхоҳ соҳаи хоҷагии халқи мамлакат таъмин намоем.
- Имрӯз миёни ҷавонони тоҷик чӣ гуна мушкилот дида мешавад?
- Бо дарназардошти он ки Тоҷикистон низ узви комилҳуқуқи ҷомеаи ҷаҳонӣ аст, тамоми мушкилоти сатҳи ҷомеаи ҷаҳонӣ ба давлати мо низ таъсир мерасонад. Новобаста аз ин давлату ҳукумат, хусусан Роҳбари давлат ҳамарӯза дар фикри беҳдошти зиндагии ҷавонони кишвар ҳастанд. Новобаста аз оне ки шумораи муҳоҷирони кишвар ба хориҷ махсусан ба Федератсияи Россия аз 1 миллион то ба 400 ҳазор расонида шудааст, лекин давлату ҳукумат бо эълони ҳадафи чоруми стратегии Ҳукумати Ҷумҳурии Тоҷикистон дар самти саноатикунонии босуръати кишвар ба хотири таъсиси ҷойҳои нави корӣ ва ҷалби бевоситаи ҷавонон дар дохили кишвар тадбирҳо меандешад. Бояд зикр кард, ки муҳоҷират ин таҷрибаи байналмилалист ва мушкили танҳо Тоҷикистон буда наметавонад. Дар баробари ин имрӯз хушбахтона зиёда аз 270 ҳазор ҷавони тоҷик дар муассисаҳои олии кишвар таҳсил карда истодаанд.Зиёда аз 40 ҳазор нафар ҷавони кишвар тавассути стипендияи байналмилалии “Дурахшандагон” ба хориҷи кишвар сафарбар шуда, дар донишгоҳҳои бонуфузи хориҷ таҳсил мекунанд. Ҳамчунин бо дастури Президенти кишвар қарори дахлдор қабул гардид, ки шуруъ аз аввали соли 2021шумораи гирандагони Стипендияи президентӣ аз 400 ба 3 ҳазор нафар ва маблағи он то 500 сомонӣ расонида шуд. Онҳое ки ба гирифтани Стипендияи президентӣ мушарраф мешаванд, метавонанд ба дилхоҳ муассисаҳои олии кишвар бе супоридани имтиҳон тариқи ММТ дохил шаванд. Баргузории озмунҳои ҷумҳуриявии “Фурӯғи субҳи доноӣ...” ва “Тоҷикистон-Ватани азизи ман” барои кашфи истеъдодҳои нав роҳандозӣ гардид.
- Сатҳи бекорӣ миёни ҷавонон чӣ қадар аст ва кумита ҷиҳати пурра аз байн бурдани ин масъала чӣ тадбирҳо рӯи даст дорад?
- Кумита ҳамчун мақомоти идеологӣ бо дигар вазорату идораҳои дахлдор аз ҷумла Вазорати меҳнат муҳоҷират ва шуғли аҳолӣ нақша-чорабиниҳои муштарак дорад. Пеш аз ҳама ба хотири омӯзонидану соҳибкасб кардани ҷавонон, онҳоро тавассути лоиҳаҳое, ки дар заминаи барномаҳои давлатӣ таҳия шудаанд, ҷалб карда, имконият медиҳад, то соҳиби ҷойи кор шаванд. Мо кӯшиш карда истодаем, ки ҷавононро аз руи ихтисосҳое, ки мувофиқ ба талаботҳои имрӯзаи бозори меҳнат ҳастанд, омода намоем.
Мусоҳиб
Хуршед ХОВАРӢ, “ҶТ”
- Тоҷикистон дар миёни кишварҳои собиқ Иттиҳоди Шӯравӣ аз нахустин кишварҳоест, ки қонуни асосии ҷавононро қабул кардааст. Кумита ҷиҳати татбиқи босамари қонуни мазкур кадом иқдомотро амалӣ намуд? Метавонед гӯед, ки Кумита дар иҷрои масъулияти худ то кадом андоза муваффақ аст?
- Боиси ифтихор аст, ки солҳои аввали соҳибистиқлолӣ таваҷҷуҳи Пешвои муаззами миллат ба ин соҳа бисёр саривақтӣ буд. Дар рӯзи 16-уми Раиси Шӯрои Олӣ интихоб шуданашон Сарвари давлат бо ҷавонони мамлакат мулоқот карданд. Ин маънии таваҷҷуҳи олии Роҳбари давлат ба соҳаи ҷавонон буд. Ва нахустин шуда ҷавонони Тоҷикистон ба хотири таҳкими сулҳу суботи ҷомеа ва ҳарчи зудтар расидан ба ваҳдати миллӣ ва истиқрори сулҳ дар бари роҳбари давлат заҳмати зиёд кашиданд. Дар ҳамин давра Иттифоқи ҷавонони Тоҷикистон тавонист мавқеи устувори худро нигаҳ дорад ва иродаи ҷавонони созандаро рӯи даст гирифта, дар заминаи дастуру ҳидоятҳои бевоситаи Пешвои миллат камари ҳиммат бандад. Ҳамин буд, ки соли 1994 ҷавонони кишвар дар интихоботи президентӣ номзадии Эмомалӣ Раҳмонро пешбарӣ карданд.
Ин ҳамбастагии ҷавонон бо Пешвои муаззами миллат аз аввали солҳо бисёр мустаҳкам буд. Қобили зикр аст, ки як моҳ пеш аз имзои Созишномаи истиқрори сулҳ ва ризоияти миллӣ дар Тоҷикистон мулоқоти хоссаи Роҳбари давлат бо ҷавонони кишвар баргузор шуд. Ва дар он пеш аз ҳама масъалаи ба рӯйхати идҳо ва ҷашнҳо дар кишвар ворид намудани 23 май ҳамчун Рӯзи ҷавонон ва таъсиси мақомоти ваколатдори давлатӣ, Кумитаи кор бо ҷавонон дар назди Ҳукумати Ҷумҳурии Тоҷикистон аз масъалаҳои асосӣ буд.
- Оё таҷрибаи Тоҷикистонро дар ин самт дигар кишварҳо низ амалӣ карданд?
- Мо, ки дар миқёси давлатҳои собиқ Иттиҳоди Шӯравӣ ва давлатҳои аъзои ИДМ аз пешгомони соҳа будем, барои кишварҳои дигар ин албатта аҷиб буд. Ва дар воқеъ аз таҷрибаи мо дигар кишварҳо истифода кардаанду мекунанд. Баъзан коршиносон ва мутахассисони соҳаи кор бо ҷавонони моро низ барои таҳияи ин гуна санадҳо даъват карда истодаанд, ки ин барои мо ифтихори бузург аст.
- Ҳоло барои пешрафти соҳа чӣ иқдомҳоро ба роҳ монда истодаед?
- Соли 2019 Пешвои миллат дар Паёми худ ба Маҷлиси Олии мамлакат ба Кумитаи кор бо ҷавонон ва варзиш дастур доданд, ки ба хотири мутобиқ будани ҷавонони имрӯза бо ҷомеаи ҷаҳонӣ махсусан дар самти татбиқи сиёсати давлатии ҷавонон Қонуни Ҷумҳурии Тоҷикистон “Дар бораи ҷавонон ва сиёсати давлатии ҷавонон” дар таҳрири нав таҳия гардад. Ва он айни ҳол дар баррасии вазорату идораҳои дахлдор қарор дорад.
Дар ин қонун қариб 80 фоиз навгонӣ ворид шудааст. Тамоми муносибатҳои ҷамъиятии соҳа барои солҳои минбаъда муайян шудааст. Ҳамзамон Стратегияи сиёсати давлатии кор бо ҷавонон низ, ки даҳ сол фаъолият мекард ва имсол муҳлати татбиқи он ба охир расид, дар баррасии вазорату идораҳои дахлдор қарор дорад. Ва дар рӯзҳои наздик ин ҳуҷҷатро низ ба Ҳукумати кишвар пешниҳод мекунем, ки дурнамои сиёсати давлатии кор бо ҷавононро барои то соли 2030 дар бар мегирад.
- Қонун ва стратегияи нав барои ҷавонон нисбати санадҳое, ки пештар қабул шуда буданд, чӣ бартариятҳо медиҳанд?
- Бо назардошти рушди ҷомеаи ҷаҳонӣ ва мавқеъгирии ҷавонони тоҷик ҳам дар дохил ва ҳам дар хориҷи мамлакат, мо умедвор ҳастем, ки қонун ва стратегияе, ки айни замон қабул карда мешавад, ҷавобгӯи талаботи ҷомеаи ҷаҳонӣ аст. Ин санадҳо мавқеи устувори ҷавонони моро дар ҳама ҷабҳаҳо муайян мекунанд. Афзалият ва бартариятҳое, ки дар ин санадҳо зикр шудаанд, ҳатман ба манфиати ҷавонони кишвар хоҳанд буд.
- Кумита дар як соли охир кадом корҳоро ба сомон расонид, ки боиси ифтихори кормандони он ва ҳам ҷавонони кишвар аст?
- Бо дастуру супоришҳои Пешвои миллат муҳтарам Эмомалӣ Раҳмон кумита пайваста кӯшишҳо ба харҷ медиҳад, ки дар асоси таҳияи нақша-чорабиниҳои мушаххаси худ, талаботи ҷавонони кишварро дар заминаи ҳамкориҳои густурда бо дигар вазорату идораҳо бароварда созад. Ва имрӯзҳо ҷавонони кишвар низ дар шукуфон кардани ояндаи худ нақши бориз доранд, ки мисоли равшани ин дастовардҳои фанниву варзишии ҷавонон метавонад бошад.
Баъдан мондагортарин коре, ки кумита ҳамчун ниҳоди идеологӣ дар як соли охир ба анҷом расонид, ин густурда гардонидани иштироки ҷавонон дар ду интихоботи охири кишвар буд. Ҳам дар интихоботи парлумонӣ ва ҳам интихоботи президентӣ ҷавонон нақши бориз доштанд.
Пешниҳоди Эмомалӣ Раҳмон ба мансаби Президенти Ҷумҳурии Тоҷикистон, ки аз ҷониби Иттифоқи ҷавонони мамлакат сурат гирифт, пурифтихортарин коре буд, ки ҳам кумита ва ҳам ИҶТ карданд.
- Дастгирӣ ва ҳавасмандсозии ҷавонон аз ҷониби Ҳукумати кишвар мунтазам мушоҳида мешавад. Оё иштироки ҷавонон дар ҳаёти сиёсию ҷамъиятӣ ва дигар соҳаҳои хоҷагии халқи кишвар шуморо қаноатманд карда метавонад?
- Албатта. Агар дар як соли охир фақат ба иштироки ин қишри ҷомеа ба ду интихоботе, ки давоми 6-7 моҳ гузаштанд, назар кунем ва нақши онҳоро бинем, албатта метавон ба онҳо баҳои сазовор дод.
- Доир ба фаъолияти ташкилотҳои ҷамъиятии кор бо ҷавонон чӣ гуфта метавонед?
- Тибқи қарори дахлдори Ҳукумати кишвар дар назди КҶВ 22 ташкилотҳои кор бо ҷавонон фаъолият мекунанд. Аз ҷониби давлату ҳукумат ҳамасола дар заминаи татбиқи стратегия ҷиҳати муҳайё сохтани шароитҳои мусоид барои ҷавонон имрӯз марказҳои ҷавонон дар қаламрави кишвар қомат рост карда истодаанд, ки бо тамоми инфрасохтор ва талаботи имрӯза мувофиқанд. Ҳамчунин, ташкилотҳои самти кор бо ҷавонон ва корхонаҳои воҳиди давлатӣ, ки дар назди кумита фаъолият мебаранд, аз рӯи низомнома ва талаботи худашон бевосита ба хотири ҷалби ҷавонон ба самтҳои афзалиятноке, ки имрӯз аз рӯи барномаи рушди иҷтимоии ҷавонон дар Ҷумҳурии Тоҷикистон муайян шудааст, фаъолият менамоянд. Бо дарназардошти имконоти мавҷуда махсусан дар давраи бемории коронавируси COVID-19, ки соли 2020 тамоми ҷаҳонро такон дод, хушбахтона мо дар кишвар тавонистем иштироки фаъолонаи ҷавононро дар мубориза, пешгирӣ ва огоҳонидани мардум сари вақт таъмин намоем. Ҳамзамон мавқеи ҷавононро дар дилхоҳ соҳаи хоҷагии халқи мамлакат таъмин намоем.
- Имрӯз миёни ҷавонони тоҷик чӣ гуна мушкилот дида мешавад?
- Бо дарназардошти он ки Тоҷикистон низ узви комилҳуқуқи ҷомеаи ҷаҳонӣ аст, тамоми мушкилоти сатҳи ҷомеаи ҷаҳонӣ ба давлати мо низ таъсир мерасонад. Новобаста аз ин давлату ҳукумат, хусусан Роҳбари давлат ҳамарӯза дар фикри беҳдошти зиндагии ҷавонони кишвар ҳастанд. Новобаста аз оне ки шумораи муҳоҷирони кишвар ба хориҷ махсусан ба Федератсияи Россия аз 1 миллион то ба 400 ҳазор расонида шудааст, лекин давлату ҳукумат бо эълони ҳадафи чоруми стратегии Ҳукумати Ҷумҳурии Тоҷикистон дар самти саноатикунонии босуръати кишвар ба хотири таъсиси ҷойҳои нави корӣ ва ҷалби бевоситаи ҷавонон дар дохили кишвар тадбирҳо меандешад. Бояд зикр кард, ки муҳоҷират ин таҷрибаи байналмилалист ва мушкили танҳо Тоҷикистон буда наметавонад. Дар баробари ин имрӯз хушбахтона зиёда аз 270 ҳазор ҷавони тоҷик дар муассисаҳои олии кишвар таҳсил карда истодаанд.Зиёда аз 40 ҳазор нафар ҷавони кишвар тавассути стипендияи байналмилалии “Дурахшандагон” ба хориҷи кишвар сафарбар шуда, дар донишгоҳҳои бонуфузи хориҷ таҳсил мекунанд. Ҳамчунин бо дастури Президенти кишвар қарори дахлдор қабул гардид, ки шуруъ аз аввали соли 2021шумораи гирандагони Стипендияи президентӣ аз 400 ба 3 ҳазор нафар ва маблағи он то 500 сомонӣ расонида шуд. Онҳое ки ба гирифтани Стипендияи президентӣ мушарраф мешаванд, метавонанд ба дилхоҳ муассисаҳои олии кишвар бе супоридани имтиҳон тариқи ММТ дохил шаванд. Баргузории озмунҳои ҷумҳуриявии “Фурӯғи субҳи доноӣ...” ва “Тоҷикистон-Ватани азизи ман” барои кашфи истеъдодҳои нав роҳандозӣ гардид.
- Сатҳи бекорӣ миёни ҷавонон чӣ қадар аст ва кумита ҷиҳати пурра аз байн бурдани ин масъала чӣ тадбирҳо рӯи даст дорад?
- Кумита ҳамчун мақомоти идеологӣ бо дигар вазорату идораҳои дахлдор аз ҷумла Вазорати меҳнат муҳоҷират ва шуғли аҳолӣ нақша-чорабиниҳои муштарак дорад. Пеш аз ҳама ба хотири омӯзонидану соҳибкасб кардани ҷавонон, онҳоро тавассути лоиҳаҳое, ки дар заминаи барномаҳои давлатӣ таҳия шудаанд, ҷалб карда, имконият медиҳад, то соҳиби ҷойи кор шаванд. Мо кӯшиш карда истодаем, ки ҷавононро аз руи ихтисосҳое, ки мувофиқ ба талаботҳои имрӯзаи бозори меҳнат ҳастанд, омода намоем.
Мусоҳиб
Хуршед ХОВАРӢ, “ҶТ”
Хабарҳои дигар
Рӯзнома
Эзоҳи худро нависед