ҶАВОНОН
Якшанбе 16 Июн 2019 08:40
5956
Имрӯз, 23 май бо иштироки раиси ВМКБ Ёдгор Файзов ва ҷавонони вилоят дар шаҳри Хоруғ ба ифтихори Рӯзи ҷавонони Тоҷикистон чорабинии идона баргузор гардид.

Инчунин дар он муовинони раис, роҳбарону кормандони идораву муассисаҳои маҳаллӣ, масъулини Раёсати кор бо ҷавонон ва варзиш, омӯзгорону донишҷӯёни Донишгоҳи давлатии Хоруғ ба номи Моёншо Назаршоев, Омӯзишгоҳи тиббии шаҳр ва варзишгарони вилоят ҳузур доштанд.

Зимни баромади хеш Ёдгор Файзов дар симои ҷавонони вилоят ҳамаи ҷавонони мамлакатро ба муносибати рӯзи идашон табрик намуда гуфт, ки дар ҳамаи даврҳо давлату миллат ба наслҳои худогоҳ ва соҳибмаърифат ниёз дошта, ин неруи созанда метавонад дар рушд ва пешрафти ҳар кишвар нақши асосӣ бозад:

“Ҳар кору аъмоле, ки аз дастамон меояд, танҳо ба хотири ободии Ватан, пешрафти Тоҷикистон ва суботу оромии он равона менамоем. Шумо ҷавонон низ вазифадоред, ки илму дониш ва касбу ҳунарҳои замонавиро омӯзед, то фардои миллату мамлакатро равшану мунаввар созед. Зеро Ватанро фақат ҷавонони босаводу соҳибкасб обод карда, ба он шаъну шӯҳрат мебахшанд”.

Сипас барномаи фарҳангӣ ва созу суруд аз тарафи ҷавонони вилоят пешкаши ҳозирин шуд.

01.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.