Зери ин унвон бо ташаббуси Раёсати кор бо ҷавонон ва варзиши вилояти Суғд ва бо дастгирии раиси вилоят муҳтарам Раҷаббой Аҳмадзода бахшида ба “Солҳои рушди деҳот, сайёҳӣ ва ҳунарҳои мардумӣ”, тӯли чор рӯз 21-24 январ аст, ки лагери маърифатию фароғатӣ, омӯзишӣ ва сайёҳатии ҷавонони фаъоли вилоят дар Маркази таълимии Бонки миллии Тоҷикистон воқеъ дар шаҳри Гулистон баргузор гардида истодааст.

Лагери мазкур бо мақсади баланд бардоштани ҳисси худшиносиву худогоҳӣ, ватанпарастӣ ва маърифатнокии ҷавонон доир гардида, дар доираи он чорабиниҳои гуногун миёни иштирокчиён гузаронида шуд.

Аз ҷумла, 23 январ дар доираи лагер семинари омӯзишӣ дар мавзӯи “Пешбурди фаъолияти волонтёрӣ дар Ҷумҳурии Тоҷикистон, вазъи имрӯза ва дурнамо” баргузор гардид.

Дар семинари мазкур оиди пайдоиш, таърих ва принсипҳои фаъолияти волонтёрӣ дар Ҷумҳурии Тоҷикистон суханронӣ сурат гирифта, масъулин ҷавононро ба ин фаъолияти хайрхоҳӣ даъват намуданд.

Дар охир ҷавонон ба саволҳои худ посухҳои мушаххас гирифта, иброз доштанд, ки минбаъд ба ин фаъолияти хайрхоҳӣ саҳмгузор хоҳанд шуд.