Бо иқдоми ҷавонони ноҳияи Роштқалъа дар ҳамкорӣ бо Бахши кор бо ҷавонон ва варзиши ноҳия ба ифтихори Рӯзи таъсисёбии Қувваҳои Мусаллаҳи кишвар барномаи консертӣ ва мусобиқаҳои варзишӣ доир гашт.

Дар барнома намояндагони Шуъбаи фарҳанг, хонандагони МТМУ ва ҷавонон дар васфи ҷасорату ватандӯстӣ, аскарон, ваҳдату истиқлолият, Ватан – модар беҳтарин суруду ғазалҳоро сароидаанд.

Ҳамчунин аз ҷониби ҳунармандони ноҳия саҳначаи “Корнамоии сарбози шуҷоъ” пешкаши ҳозирин гардонда шуд.

Мусобиқаҳои варзишӣ аз рӯи намудҳои гуштини миллӣ, футбол, волейбол, тенниси рӯи миз ва волейбол байни наврасону ҷавонон ташкил гардид.