МУАЛЛИФ: ШЕРАЛӢ ҶАЛОЛОВ

Дар доираи нақшаи чорабиниҳои Бахши ҷавонон варзиш ва сайёҳии шаҳри Конибодом бахшида ба Рӯзи таъсисёбии Қувваҳои Мусаллаҳи Ҷумҳурии Тоҷикистон дар қисми низомии 04080 Рӯзи дарҳои кушод баргузор гардид.

Ба чорабинӣ зиёда аз 300 нафар хонандагони синфҳои болоии муассисаҳои таълимӣ ва донишҷӯёни коллеҷу литсейҳои ҳудуди шаҳр ҷалб шуданд. Ҳамчунин дар ин рӯз аксари волидони сарбозону афсарон ташриф оварда, имконият пайдо намуданд, ки бо фарзандони худ вохӯрда, бо шароити зисту хизмати онҳо аз наздик ошноӣ пайдо кунанд.

Иштирокчиён бо яроқу аслиҳа, машқҳои низомии афсарону сарбозон, шароити зист ва истироҳати онҳо шинос гардиданд.

Сипас санъаткорони бахши фарҳанги шаҳр бо суруду оҳангҳои дилнавоз таъби иштирокдоронро хуш намуданд.