Силсила вохӯриҳои гурӯҳи корие, ки дар асоси дастуру супоришҳои Асосогузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъсис дода шуда буд, рӯзи 11 май дар мактаби хонандагони болаёқат бо иштироки ходимони дин, кормандони соҳаи танзими анъана ва ҷашну маросимҳои миллӣ, ҷавонон, варзиш ва сайёҳӣ, кор бо занон ва оила, фаъолони ҷамоатҳои деҳоти Хистеварз, Овчиқалъачаи ноҳияи Б. Ғафуров баргузор гардиданд.

Чорабинӣ бо сухани ифтитоҳи муовини раиси ноҳия Орифӣ О. оғоз гардид. Минбаъд намояндагони ҳайати гурӯҳи корӣ дар бобати масъалаҳои мубрами рӯз, аз қабили шомилшавии ҷавонон ба ҳизбу ҳаракатҳои ифротӣ, аз тарафи баъзе нафарон риоя нашудан ва махсусан аз тарафи мансабдорон, хизматчиёни давлатӣ Қонунҳои кишвар “Дар бораи масъулияти падару модар дар таълиму тарбияи фарзанд”, “Дар бораи танзими анъана ва ҷашну маросимҳои миллӣ дар ҶТ”, пешгирии пошхӯрии оилаҳо, роҳ надодан ба фарҳанги бегона ва дигар масъалаҳои доғ суханронӣ намуданд.

Дар ин рӯз бо ташаббуси мақомоти иҷроияи ҳокимияти давлатии ноҳияи Б.Ғафуров маҳфили “Бонуи соҳибистеъдод” дар Қасри фарҳанг бо иштироки гурӯҳи корӣ доир гашт.

Ҳамзамон, маросими кушодашавии Лигаи дуюм оид ба футболи, минтақаи Суғд бо иштироки дастаҳои Хистеварзи ноҳияи Б.Ғафуров ва Мактаби варзишии №1 шаҳри Хуҷанд баргузор шуд. Дар маросими кушодашавии расмӣ раиси Кумитаи ҷавонон, варзиш ва сайёҳӣ иштирок ва суханрони намуд. Қайд гардид, ки имрӯзҳо футбол як василаи хуби тарбияи ҷавонон ва ҷалби онҳо ба тарзи ҳаёти солим ба шумор меравад: “Хушбахтона аз тарафи Федератсияи футболи Тоҷикистон барои рушди ин намуди варзиш тамоми чораҳо андешида шуда истодааст.

Боиси ифтихор аст, ки сарпарастии “Соли ҷавонон”-ро низ бевосита Президенти Федератсияи футболи Тоҷикистон ба ӯҳда гирифта аст,”-гуфт раиси Кумитаи ҷавонон, варзиш ва сайёҳӣ.