ҶАВОНОН
Душанбе 17 Феврал 2020 11:04
6857
Дар толори Донишкадаи политехникии Донишгоҳи техникии Тоҷикистон ба номи академик М.Осимӣ Конференсияи ХIII-уми филиали Иттифоқи ҷавонони Тоҷикистон дар вилояти Суғд баргузор шуд.

Дар кори Конференсия муовини озоди Раиси Иттифоқи ҷавонони Тоҷикистон Умед Раҳимзода, аъзои Иттифоқ-сардори Раёсати кор бо ҷавонони Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шоҳзод Раҳимзодв, раиси филиали Иттифоқи ҷавонони Тоҷикистон дар вилояти Суғд Мирзоқосим Каримзода, муовини озоди ИҶТ дар вилояти Суғд, раисони филиалҳои ИҶТ дар шаҳру ноҳияҳо ва муассисаҳои таҳсилоти олӣ ва миёнаи касбии вилоят ва 240 нафар аъзоёни фаъоли филиали ИҶТ дар вилояти Суғд иштирок намуданд.

Кори конфронс бо хондани Суруди миллӣ ба таври зинда аз ҷониби ҳозирин оғоз гардида, конфронсро раиси филиали Иттифоқи ҷавонони Тоҷикистон дар вилояти Суғд Каримзода Мирзоқосим оғоз намуд.

Дар конфронс чор масъала, аз ҷумла ҳисоботи раиси филиали Иттифоқи ҷавонони Тоҷикистон дар вилояти Суғд барои соли 2019, ҳисоботи раиси филиали Иттифоқи ҷавонони Тоҷикистон дар ноҳияи Деваштич барои соли 2019, интихоби ҳайати вакилон барои иштирок дар Анҷумани 13 – уми Иттифоқи ҷавонони Тоҷикистон, интихоби ҳайати нави комиссияи тафтишотии филиали Иттифоқи ҷавонони Тоҷикистон дар вилояти Суғд ва дигар масъалаҳои ҷорӣ мавриди баррасӣ қарор дода шуданд.

Дар рафти конфронс фаъолияти 2-солаи Филиали Иттифоқи ҷавонони Тоҷикистон дар вилояти Суғд мавриди баррасӣ қарор дода шудa, аз ҷониби музокирачиён мусбат арзёбӣ гардид.

Баъдан аз ҷониби вакилон ҳайати вакилон барои иштирок дар Анҷумани 13 – уми Иттифоқи ҷавонони Тоҷикистон ва интихоби ҳайати нави комиссияи тафтишотии филиали Иттифоқи ҷавонони Тоҷикистон дар вилояти Суғд тасдиқ карда шуда, ба Раёсат Иттифоқи ҷавонони Тоҷикистон равон карда шуд.

Ҳамзамон дар кори конфронс Муовини озоди Раиси Иттифоқи ҷавонони Тоҷикистон Раҳимзода Умед, аъзои Иттифоқ-сардори Раёсати кор бо ҷавонони Дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳимзода Шаҳзод, раиси намояндагии филиали Иттифоқи ҷавонони Тоҷикистон дар Донишкадаи политехникии Донишгоҳи техникии Тоҷикистон дар шаҳри Хуҷанд Масаидов Ҷамшед, раиси намояндагии филиали Иттифоқи ҷавонони Тоҷикистон дар Донишгоҳи давлатии ҳуқуқ, бизнес ва сиёсати Тоҷикистон Мирзобоев Мирзоҷон, раиси намояндагии филиал дар Коллеҷи омӯзгории Тоҷикистон Ғуфронов Ризвоншоҳ ва якчанд нафар аъзоёни фаъоли иттифоқ доир ба рушди фаъолияти иттифоқ, дӯст доштани ватан, содиқ будан ба Пешвои муаззами миллат, иштироки фаъолона дар маъракаҳои сиёсии дар пеш қарордошта, ибрози назар намуданд.

Бо ҳамин аз ҷониби раиси филиали Иттифоқи ҷавонони Тоҷикистон дар вилояти Суғд кори Конференсияи ХIII-уми филиали Иттифоқи ҷавонони Тоҷикистон дар вилояти Суғд ҷамъбаст шуда, бо хондани Суруди миллии Ҷумҳурии Тоҷикистон ба таври зинда кори конференсия ба охир расид.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 1

Феврал 2020 c.