ҶАВОНОН
Якшанбе 21 Июл 2019 03:30
5966
Нимаи дуюми рӯзи 23 май дар майдони назди Театри давлатии мазҳака ва мусиқии ба номи Камоли Хуҷандии маркази вилояти Суғд маросими ҷамъбастии чорабиниҳои Рӯзи ҷавонони Тоҷикистон баргузор гардид.

Чорабинии ҷамъбастии идона бо роҳпаймоии ҳазорон нафар ҷавонони фаъол оғоз ёфта, ҷавонон аз Маҷмааи таърихию фарҳангии “Истиқлол” то назди Театри давлатии мазҳака ва мусиқии ба номи Камоли Хуҷандӣ роҳпаймоӣ намуда, дар макони баргузории чорабинӣ сарҷамъ шуданд.

Раҷаббой Аҳмадзода, раиси вилояти Суғд зимни суханронии худ кулли ҷавононро ба муносибати Рӯзи ҷавонони Тоҷикистон табрик гуфта, ба онҳо рӯзгори хушу хуррам, сиҳатмандӣ, хушиқболӣ ва дар иҷрои мақсаду ниятҳои нек дастоварду муваффақиятҳо орзу намуд.

-Боиси ифтихор аст, ки аз солҳои аввали соҳибистиқлолии кишвари азизамон таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешбурди сиёсати давлат дар соҳаи ҷавонон яке аз самтҳои афзалиятноки фаъолияти Ҳукумати кишвар эълон шуда, қабули қонуну барномаҳои рушди иҷтимоии ҷавонон, грантҳо, таъсиси квота ва стипендияҳои Президентӣ дар самти тарбияи маънавию ватанпарастии ҷавонон ва ҳамасола дар сатҳи баланди ҷамъиятиву сиёсӣ таҷлил гардидани Рӯзи ҷавонон шаҳодати ғамхориҳои пайвастаи давлату ҳукумат нисбат ба насли ҷавони кишвар гардидааст,-иброз дошт раиси вилоят.

Раиси вилоят ҳамзамон аз ҷавонон даъват кард, ки дар шароити пурҳаводиси ҷаҳони имрӯз доимо зираку ҳушёр ва ба ҳимояи манфиатҳои халқи тоҷик ва давлати тоҷикон тайёр бошанд.

Сипас, аз ҷониби аҳли фарҳанги вилоят барномаи рангини консертӣ пешниҳоди иштирокдорони чорабинӣ гардид ва ҷавонон то дергоҳ зери суруду таронаҳои тоҷикона шодмонӣ намуданд. Мушакпарронии идона бошад, ба чорабинӣ хотима бахшид.

03.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Июл 2019 c.