ҶАВОНОН
Якшанбе 21 Июл 2019 04:15
1066
Имрӯз, 24 июн дар асоси Нақшаи чорабиниҳои муштараки Кумита миёни сохторҳои қудратии мамлакат дар самти тарбияи ҳарбии ватанпарастии ҷавонон,  бахшида ба Рӯзи Ваҳдати миллӣ бо иштироки роҳбарияти Кумита ва Вазорати мудофиаи Ҷумҳурии Тоҷикиситон вохӯриҳои судманд бо афсарону сарбозони қисмҳои ҳарбии 5-ум, 8-ум, 41008 ва 52403-и қувваҳои ҳарбӣ-ҳавоӣ ва мудофиаи зиддиҳавоӣ ва қисмҳои ҳарбии 06870, 02615-и Вазорати мудофиаи Ҷумҳурии Тоҷикистон доир шуд.

Дар мулоқотҳои мазкур муовини якуми Раиси Кумита Мавсума Муинӣ аз хизматҳои шабонарӯзии афсарону сарбозон ёдовар шуда, иброз намуд, ки маҳз ҷасурию мардонагии онҳо боиси хоби роҳати модарону хоҳарон, бародарону падарон гардидааст.

Инчунин, мавсуф атрофи ба имзо расидани Созишномаи истиқрори сулҳ ва ризоияти миллӣ, ки аз он лаҳзаи таърихӣ ва санаи тақдирсози миллати тоҷик 19-сол пур мешавад сухан кард. «Ваҳдати миллӣ дар баробари истиқлолияти давлатӣ бешак яке аз мӯҳимтарин рӯйдоди таърихӣ ва пурарзиштарин ҷашни миллати тоҷик маҳсуб меёбад. Зеро 27 июни соли 1997 дар саҳифаҳои таърихи халқи тоҷик ва Тоҷикистони тозаистиқлол бо ҳарфҳои зарин сабт гардида, ҳамчун замони нави ташаккулёбии давлатдории Тоҷикистон арзёбӣ мегардад» – афзуд  Мавсума Муинӣ.

Ҳамзамон, Раиси Шурои собиқадорони Вазорати мудофиаи Ҷумҳурии Тоҷикистон Худойқулов Ҳайдарқул низ суханронӣ намуда, афсарону сарбозони далеру шуҷои Ватанро ба ҷашнҳои бузурги миллат шодбош намуда, онҳоро ба хизмати софдилона ва содиқона ба Ватан-Модар талқин намуданд. Дар охир аз ҷониби Кумита бо мақсади ҳавасмандгардонии сарбозон ба хизмати ҳарбӣ, инчунин ташвиқу тарѓиби тарзи ҳаёти солим лавозимотҳои варзишӣ тақдим гардид. Бояд гуфт, ки чунин вохӯриҳои судманд дар дигар қисмҳои низомии кишвар идома дорад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Май 2019 c.