Равшан Каримзода, муовини вазири маориф ва илми кишвар имрӯз зимни нишасти хабарӣ гуфт, ки айни ҳол дар кишвар норасоии кадрӣ нест.

Номбурда зикр кард, ки дар Тоҷикистон айни замон зиёда аз 138 ҳазор омӯзгор фаъолият мекунанд, аз ин шумора 16 ҳазорашон дар рухсатии нигоҳбуни кӯдак қарор доранд.

Инчунин, зикр гардид, ки наздики 700 нафар омӯзгори ғайриихтисос фаъолият мекунанд. Ба иттилои масъулини Вазорат қабули омӯзгорону донишҷӯён дар муассисаҳои таълимӣ нисбати соли гузашта афзоиш ёфтааст.

Тибқи маълумот 385 нафар омӯзгор ба муассисаҳои таҳлимии шаҳри Душанбе ва ноҳияҳои тобеи ҷумҳурӣ ҷалб гардидаанд.

Ҳамчунин, аз ҳисоби донишҷӯёни курсҳои 4 ва 5-и муассисаҳои таҳсилоти олии касбӣ 1944 нафар ҳамчун омӯзгор ба муассисаҳои таҳсилоти миёнаи умумӣ ҷалб шудаанд.

Дар соли таҳсили 2025–2026 ба муассисаҳои таҳсилоти миёнаи умумӣ 9178 нафар ба кор қабул шудаанд, ки ин нишондод нисбат ба соли таҳсили 2024–2025 5384 нафар зиёд мебошад.

Фарзонаи УМАРАЛӢ, “ҶТ”