ҶАВОНОН
Шанбе 20 Апрел 2024 08:32
Дар Донишкадаи идоракунии давлатии назди Президенти Ҷумҳурии Тоҷикистон бахшида ба Рӯзи кормандони хизмати дипломатияи Ҷумҳурии Тоҷикистон вохӯрии устодону донишҷӯён бо кормандону собиқадорони Вазорати корҳои хориҷии Ҷумҳурии Тоҷикистон баргузор гардид.
Дар ин вохӯрӣ ректори донишкада профессор Ғафурзода Абдухалил, собиқ вазири корҳои хориҷии Ҷумҳурии Тоҷикистон, академики Академияи илмҳои Ҷумҳурии Тоҷикистон Талбак Назаров, собиқ муовини вазири корҳои хориҷии Ҷумҳурии Тоҷикистон профессор Абдунабӣ Сатторзода, сардори раёсати шартномавӣ-ҳуқуқӣ Аслиддин Давлаталӣ, муовини сардори раёсати иттилоот, матбуот, таҳлил ва тарҳрезии сиёсати хориҷӣ Музаффар Муҳаммадӣ иштирок ва суханронӣ намуданд.
Нахуст, ректори донишкада меҳмононро ба ин даргоҳи илму маърифат хайрамақдам гуфта, иброз дошт, ки сиёсати хориҷии Ҷумҳурии Тоҷикистон таҳти роҳбарии хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати бисёрсамта, мутавозин ва санҷидашудаест, ки бар ҳифзи манофеи миллӣ ва эҳтиром ба ҳуқуқу манфиатҳои шарикони байналмилалӣ асос ёфтааст.
Талбак Назаров, зимни суханронии худ аз хизматҳои шоёни Пешвои миллат ёдовар шуда, иброз намуд, ки Роҳбари давлат нахустин бор 29 сентябри соли 1993 аз минбари Созмони Милали Муттаҳид сухан ронда, ҳадафҳои асосии Ҳукумати Тоҷикистонро, ки аз таъмини оромишу субот дар кишвар ва таҳкиму тақвияти ҳамкорӣ бо ҳамаи кишварҳои олам иборат буд, барои ҷомеаи ҷаҳонӣ муаррифӣ намуданд.
Дар охир устодони ҷавону донишҷӯёни ихтисоси муносибатҳои байналмилалии донишкада бо саволҳои худ фикру андешаҳои академик Талбак Назаровро вобаста ба фаъолияти дипломатияшон, вазъи имрӯзаи ҷаҳон, умедворияшон аз ҷавонон посухҳои мушаххас гирифтанд.
Талбак Назарович чанд маслиҳатҳо аз таҷрибаи пурғановати худ ба дипломатони ҷавон дода, сирри ҳама муваффақиятҳояшонро аз меҳнату хизмат ба халқу Ватан ва пайваста ба донишандӯзӣ машғул будан баён доштанд.
Бо қарори Шӯрои олимони Донишкадаи идоракунии давлатии назди Президенти Ҷумҳурии Тоҷикистон барои хизматҳои шоён дар рушди илму маорифи кишвар, тайёр кардани кадрҳои баландихтисос дар соҳаи иқтисод ва муносибатҳои байналмилалӣ ба академики Академияи илмҳои Ҷумҳурии Тоҷикистон, Сафири фавқуллода ва мухтори Ҷумҳурии Тоҷикистон Талбак Назаров унвони илмии “Профессори фахрӣ” дода шуд.
Раҳматулло КАРИМОВ, рӯзноманигор
Дар ин вохӯрӣ ректори донишкада профессор Ғафурзода Абдухалил, собиқ вазири корҳои хориҷии Ҷумҳурии Тоҷикистон, академики Академияи илмҳои Ҷумҳурии Тоҷикистон Талбак Назаров, собиқ муовини вазири корҳои хориҷии Ҷумҳурии Тоҷикистон профессор Абдунабӣ Сатторзода, сардори раёсати шартномавӣ-ҳуқуқӣ Аслиддин Давлаталӣ, муовини сардори раёсати иттилоот, матбуот, таҳлил ва тарҳрезии сиёсати хориҷӣ Музаффар Муҳаммадӣ иштирок ва суханронӣ намуданд.
Нахуст, ректори донишкада меҳмононро ба ин даргоҳи илму маърифат хайрамақдам гуфта, иброз дошт, ки сиёсати хориҷии Ҷумҳурии Тоҷикистон таҳти роҳбарии хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сиёсати бисёрсамта, мутавозин ва санҷидашудаест, ки бар ҳифзи манофеи миллӣ ва эҳтиром ба ҳуқуқу манфиатҳои шарикони байналмилалӣ асос ёфтааст.
Талбак Назаров, зимни суханронии худ аз хизматҳои шоёни Пешвои миллат ёдовар шуда, иброз намуд, ки Роҳбари давлат нахустин бор 29 сентябри соли 1993 аз минбари Созмони Милали Муттаҳид сухан ронда, ҳадафҳои асосии Ҳукумати Тоҷикистонро, ки аз таъмини оромишу субот дар кишвар ва таҳкиму тақвияти ҳамкорӣ бо ҳамаи кишварҳои олам иборат буд, барои ҷомеаи ҷаҳонӣ муаррифӣ намуданд.
Дар охир устодони ҷавону донишҷӯёни ихтисоси муносибатҳои байналмилалии донишкада бо саволҳои худ фикру андешаҳои академик Талбак Назаровро вобаста ба фаъолияти дипломатияшон, вазъи имрӯзаи ҷаҳон, умедворияшон аз ҷавонон посухҳои мушаххас гирифтанд.
Талбак Назарович чанд маслиҳатҳо аз таҷрибаи пурғановати худ ба дипломатони ҷавон дода, сирри ҳама муваффақиятҳояшонро аз меҳнату хизмат ба халқу Ватан ва пайваста ба донишандӯзӣ машғул будан баён доштанд.
Бо қарори Шӯрои олимони Донишкадаи идоракунии давлатии назди Президенти Ҷумҳурии Тоҷикистон барои хизматҳои шоён дар рушди илму маорифи кишвар, тайёр кардани кадрҳои баландихтисос дар соҳаи иқтисод ва муносибатҳои байналмилалӣ ба академики Академияи илмҳои Ҷумҳурии Тоҷикистон, Сафири фавқуллода ва мухтори Ҷумҳурии Тоҷикистон Талбак Назаров унвони илмии “Профессори фахрӣ” дода шуд.
Раҳматулло КАРИМОВ, рӯзноманигор
Хабарҳои дигар
Рӯзнома
Эзоҳи худро нависед