ҶАВОНОН
Сешанбе 17 Октябр 2017 04:57
3577
Дар доираи сафари корӣ ва баргузории силсилаи чорбаиниҳо бахшида ба “Соли ҷавонон” масъулини Кумитаи кор бо ҷавонон ва варзиши назди Ҳукумати ҷумҳурӣ бо сокинон ва ҷавонони ноҳияи Роштқалъа мулоқот намуданд.

Намояндагони Кумита ва меҳмононро Зӯҳро Муллоҳукматова, мудири Бахши кор бо ҷавонон ва варзиши ноҳия ва зиёда аз 300 нафар ҷавонони фаъол бо дилгармиву самимияти хосса истиқбол намуданд.

Чун анъана нахуст кормандони Кумита ба ёдати шахсони ниёзманду дорои имконияташон маҳдуд рафта, аз ҳолу зисташон аз надик хабардор шуданд.

Зимни вохӯрӣ бо сокинону ҷавонон мавзӯҳои арҷгузорӣ ба дастовардҳои Истиқлолияту Ваҳдат, тақвият ёфтани соҳаи фарҳанги ноҳияи Роштқалъа, муҳимияти эълон гардидани “Соли ҷавонон”, нақши ҷавонон дар таҳкими сиёсати давлатӣ, ҳамдигарфаҳмиву бунёди оилаи солим ва дигар масоили марбут муҳокима гардиданд.

Ҳамчунин, меҳмонон аз маркази фарҳангии ноҳия, ки дар даврони Истиқлолият сохта шуда аст, боздид ба амал оварданд. Дар ин боргоҳи фарҳангӣ ҷавонону наврасон ғайр аз омӯхтани нозукиҳои рақсу сурудхонӣ, навозандагӣ, инчунин, ҳунарҳои рассомӣ, гулдӯзӣ ва қолинбофиро аз худ мекунанд.

Баъди баргузории викторинаи саволу ҷавоб байни намояндагони Кумита ва ҷавонон, барномаи фарҳангии “Шоми ҷавонон” доир гашт, ки дар он наврасону ҷавонон аз ҳамаи ҷамоатҳои деҳоти ноҳия ширкат доштанд.

Эзоҳи худро нависед



Рамзҳо дар расм

соли ҷавононн

Рӯзнома

Овоздиҳӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Октябр 2017 c.