ҶАВОНОН
Душанбе 14 Октябр 2019 06:43
6453
Ба муносибати Рўзи забони давлатӣ дар Донишгоҳи давлатии Хоруғ (ДДХ) ба номи Моёншо Назаршоев зери унвони "Зарурияти омӯзиши таҳлилии забони тоҷикӣ – асоси инкишофи давлатдорӣ ва пояи миллат" конференсияи илмӣ – амалӣ баргузор гашт.

Дар чорабинии илмӣ муовини ректори донишгоҳ оид ба илм ва инноватсия Таҳмина Содатқадамова, доктори илмҳои филология, профессор Муқбилшо Аламшоев, мудири Шуъбаи кор бо ҷавонони ДДХ Дидоршоҳ Насриддинов, намояндагони мақомоти иҷроияи маҳалии ҳокимияти давлатии ВМКБ, омӯзгорон ва донишҷӯён иштироку маърӯза намуданд.

Зикр гардид, ки забони тоҷикӣ асоси ҳувияту худшиносии миллии тоҷикон буда, он барои ҳар як шахси ватандӯст азизу арзишманд аст. Зеро фақат ба воситаи забони давлатӣ метавон таъриху фарҳанги пурғановати хешро пос дошту муҳиммияти онро ба наслҳои минбаъда талқин кард. Барои ҳамин рушди минбаъда ва поку беолоиш нигоҳ доштани забони тоҷикӣ ҳоло ҳам ҷиддият мехоҳад.

Инчунин дар конфронс мавзӯъҳои “Забон - як ҷузъи муҳим ва ҷудонопазири фарҳанги миллист”,”Забон – рушду камолоти миллат аст”, “Муҳиммияти тафаккури бадеӣ дар омӯзиши забон”,“Маъноофаринии рақамҳои математикӣ дар забони тоҷикӣ”, “Забони давлатӣ баёнгари Ваҳдати миллӣ”, “Забон ва ҳуввияти миллат”,“Ҳолати имрӯзаи забони тоҷикӣ”, “Забони тоҷикӣ-асоси худшиносӣ ва ваҳдати миллию фарҳангии халқи тоҷик” ва “Семантическая связь фразеологизмов шугнанского языка с реалиями действительности” мавриди баррасӣ қарор гирифтанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.