Дар давоми 12 моҳи соли 2025 дар Тоҷикистон аз ҷониби ҷавонон 3116 ҷиноят содир гардидааст, ки нисбат ба ҳамин давраи соли гузашта (3964 ҳолат) 848 ҳолат ё 27,2% кам мебошад.

Дар ин хусус имрӯз - 5 феврал, Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Ба гуфтаи ӯ, аз сӯи дигар, ҷинояткорӣ миёни наврасон афзоиш ёфтааст. Аҳ ҷумла, 715 ҳолати ҷиноят аз ҷониби наврасон содир шудааст, ки ин 41 ҳолат бештар аз соли 2024 мебошад.

“Наврасон - ҷавони ояндаи мо ҳастанд ва ҳамзамон таҳти таваҷҷуҳи махсус қарор гирифтанашон лозим аст”, - таъкид намуд Гулаҳмадзода Зулфиқор.

Ба гуфтаи раиси Кумита, яке аз роҳҳои асосии пешгирӣ аз ҷинояткорӣ ва тарбияи солим дар миёни наврасон ҷалб кардани онҳо ба варзиш ва фаъолияти созанда мебошад. “Мо дар соли ҷашнвора мулоқотҳо ва вохӯриҳоро дар сатҳи мактабҳо бо ҷавонон ва волидайни онҳо анҷом дода истодаем ва чорабиниҳои нодир ва дӯстона ташкил менамоем, ки барои баланд бардоштани ҳисси худшиносӣ ва масъулиятшиносии наврасону ҷавонон равона шудаанд”,-гуфт З. Гулаҳмадзода.

Ҳамзамон, раиси Кумита зикр кард, ки дар ин самт ҷалби волидон ва ҷомеаи маҳаллӣ муҳим буда, метавонад, то таъсири мусбӣ ва устувор дар рафтори наврасон расонад.

Фарзонаи УМАРАЛӢ “ҶТ”