Дар соли сипаришудаи 2016 варзишгарони ноҳияи Ашти вилояти Суғд дар мусобиқаҳои ноҳиявӣ, вилоятӣ, ҷумҳуриявӣ ва чемпионати Осиë иштирок намуда, 412 медал ба даст оварданд.

Ҷамшед Насриддинов, мудири Бахши ҷавонон, варзиш ва сайёҳии ноҳияи Ашт гуфт: "Соли сипаришуда дар соҳаи варзиши ноҳия навигариҳои зиëд рух дод. Аз ҷумла, барои рушди футбол бори аввал дар ноҳия Федератсияи футбол таъсис ёфт, ки минбаъд барои рушди футболи кӯдакон ва наврасон диққати махсус дода мешавад".

Дар ноҳияи Ашт имрӯз 122 майдончаи варзишӣ, 2 мактаби варзишӣ, 3 толорҳои хусусӣ ва 28 толори варзишии тобеи соҳаи маориф фаъолият мекунанд.

Соли 2016 40 ҷавон ба гирифтани стипендияи раиси ноҳия мушарраф шуданд, ки ҳаҷми он ҳар моҳ 55 сомониро ташкил медиҳад. Ҳамчунин 5 нафар барандаи стипендияи Президенти ҷумҳурӣ гаштанд.

Шумораи умумии ҷавонон соли 2016 дар ноҳия 53 743 нафарро ташкил дод, ки 26 745 нафар духтарон ва 26 998 нафар писарон мебошанд.

Соли 2016 дар ноҳия 496 ҷуфт ҷавон оила бунëд намуда, 105 оила пароканда шудааст.