Шумораи ҷавононе, ки аз шаҳри Ваҳдат ба ҳизбу ҳаракатҳои иртиҷоӣ шомил гашта ва дар ҷангҳои Сурияву Ироқ иштирок доранд, ба 1 январи соли 2017 101 нафарро ташкил медиҳад, ки қисми зиёди онҳо фавтида ё маҳбас шудаанд.

Тавре аз Бахши ҷавонон, варзиш ва сайёҳии шаҳри Ваҳдат хабар доданд, бештари иштирокчиёни ҷангҳои Сурияву Ироқ тавассути Федератсияи Русия ҷалб шудаанд.

Соли сипаригардида аз сарҳади ҷумҳурӣ 41 нафар дар ҳолати ба Сурия сафар намудан боздошт ва ба маҳкама кашида шуданд.
Миёни 101 нафар иштирокчии ҷангҳои Сурияву Ироқ ва шомилшудагони ҳизбҳои террористӣ 10 оила (зану шавҳар) ба қайд гирифта шудааст, ки тариқи Русия рафтаанд. Инчунин, 14 ноболиғ - 7 писар ва 7 духтар ба доми гурӯҳҳои террористӣ афтодаанд.

Дар соли 2016 аз шаҳри Ваҳдат ягон нафар ба Сурия сафар накардааст.