Дар гимназияи №1 ба номи Маҳмудхоҷаи Беҳбудии шаҳри Хуҷанд дар таътили зимистона байни омӯзгорони муассисаҳои таҳсилоти миёна мусобиқаҳои варзишӣ гузаронида мешавад. Дар ин бора Бахтиёр Исматҷонов, мудири Бахши ҷавонон, варзиш ва сайёҳи шаҳри Хуҷанд иттилоъ дод.

Мусобиқа аз рӯи се намуди варзиш шашка, шоҳмот ва волейбол гузаронида мешавад. Мақсад аз ташкил ва роҳандозии он тарғиби тарзи ҳаёти солим ва ҷалби омӯзгорон ба варзиш дар давраи таътили зимистона арзёбӣ мешавад.

Дар ҷамъбаст ғолибон бо туҳфа ва ҷом қадрдонӣ карда мешаванд.

Саодат ИСМОИЛӢ, "ҶТ"