Тибқи нақшаи чорабиниҳои Бахши ҷавонон, варзиш ва сайёҳии шаҳри Турсунзода вохӯрии навбатии масъулини сохторҳои мақомоти иҷроияи ҳокимияти давлатии шаҳр бо аҳолӣ, хусусан ҷавонони деҳаҳои Ориён, Зарнисор ва Обшорон баргузор гардид.

Масъулин, асосан бобати муҳтавои Паёми Пешвои миллат ба Маҷлиси Олии кишвар сухан намуданд.

Дар мулоқот, инчунин бобати шомилшавии ҷавонон ба ҳизбу ҳаракатҳои ифротиву террористӣ, ҷудошавии оилаҳои ҷавон, фарҳанги миллӣ, хусусан либоспӯшии ҷавонон ва худкушиву худсузӣ сухан рафта, миёни ҳозирин ва аҳли толор мубодилаи афкор сурат гирифт.

Чунин вохуриҳо дар дигар ҷамоату деҳот низ ба нақша гирифта шудааст.