Ба муносибати сеюмин солгарди тазоҳуроти Майдон ва расми гиромидошти қурбониёни он дар майдони Истиқлоли Киеви Украина ҳамоиши Созмони миллатгароёни Украин баргузор гашт.

Субҳи 19-уми феврал чандсад нафари онҳо талаб карданд, ки ҳукумати Украина тиҷорат ва равобити иқтисодиро бо минтақаҳои аз зери назораташ беруни Донбасс қатъ кунад. Дар ин ҳамоиш байни пулис ва тазоҳургарон дар кӯчаи Институтӣ даргирӣ ба вуқӯъ пайваст, зеро норозиён мехостанд, дар назди Кохи Президент хайма устувор кунанд. Ба гуфтаи ҷабрдидагон, пулис аз калтак ва гази ашковар истифода карда, тазоҳуркунандагон ба тарафи пулис петардаҳо партофтанд ва монеаҳоро шикастан хостаанд.

Дар натиҷаи даргириҳо ба камияш даҳ тазоҳуркунанда ва як корманди пулис захмӣ гаштаанд.

Ба маркази Киев нерӯҳои иловагии полис ва Горди миллӣ ворид карда шуданд. То соати 9-и шом, ба вақти маҳаллӣ, бино бар гузориши пулис вазъ ба эътидол оварда шуд.