Занону духтарони ноҳияи Шаҳритуси вилояти Хатлон баъди омӯзиши зиёд ба бофтани адрас оғоз кардаанд. Эшон мақсад доранд маҳсули дасти онҳо ба бозорҳои кишвар роҳ меёбад.

ҶДММ «Дук» яке аз корхонаҳои саноатии ноҳияи Шаҳритус мебошад, ки аз соли 2014 бо коркарди ашёи хоми пилла машғул мебошад, ки ахиран дар заминаи ин корхона бофтани адрас роҳандозӣ шудааст.

Ба гуфти сарвари корхона Додарбек Мунавваров, дар корхона беш аз 40 нафар ҷавондухтарони ноҳия кор карда, ҳар сола корхона зиёда 23 тонна ашиёи хоми пилла ба хориҷи кишвар равон мекунанд.

Оғози соли 2017 барои аз байн нарафтани ҳунарҳои қадимаи тоҷикӣ  маъмурияти корхона як сехи адрасбофӣ кушод, ки дар он зиёда аз 20 нафар ҷавондухтарон ба ҷойи кори доимӣ таъмин гардид.

Қимати ҳар як метри атласи корхонаи мазкур 17 сомону 50 дирамро ташкил медиҳад.  

Умед Мирзоев, “ҶТ”