Имрӯз, 8 май дар Муассисаи давлатии таълимии литсейи касбӣ-техникии шаҳри Ваҳдат 72-солагии ғалаба дар Ҷанги Бузурги Вватанӣ бо як шукӯҳу шаҳомати хоса таҷлил гардид.

Акбар Кабирзода - омӯзгори муассисаи мазкур ҳамаи иштирокчиёнро ба ин ҷашни фархунда муборакбод намуда, бо маърӯзаву хотираҳои гузаштагон ба чорабинӣ ҳусни идона зам намуд.

Намояндагони Бахши ҷавонон, варзиш ва сайёҳии шаҳр ҳама омӯзгорон ва донишҷӯёни ин даргоҳро табрик намуда, барои саҳми арзанда гузоштан дар татбиқи сиёсати давлатии ҷавонон маъмурияти МДТ ЛКТ-ро бо Сипосномаи Бахши ҷавонон, варзиш ва сайёҳии шаҳри Ваҳдат қадрдонӣ намуданд.

Ҳамзамон, роҳбари волонтёрони донишҷӯёни коллеҷу литсейҳои шаҳр Қурбонзода Исмоил барои ҳамкориҳои судман, саҳми назаррас гузоштан дар корҳои ободониву созандагӣ ва рушди ҳаракати волонтёрӣ дар шаҳри Ваҳдат бо Ифтихорномаи Бахши ҷавонон, варзиш ва сайёҳии шаҳр сарфароз гардонида шуд.

Дар ҷамъомад қайд карда шуд, ки ҷавонон ояндасозони фардои ҷомеа маҳсуб меёбанд, имрӯз бояд зиракии сиёсиро аз даст надода, дар пайравӣ бо Пешвои миллат, дар мубориза алайҳи экстремизм ва терроризм муқобилият нишон диҳанд.

Меҳрубон ИМОМОВА, "ҶТ"