Бахшида ба «Соли ҷавонон» ва 20 - солагии Ваҳдати миллӣ дар ноҳияи Деваштич мусобиқа оид ба футбол байни наврасони соли таваллудашон 2003-2004-и мактабҳои варзишии вилояти Суғд оғоз гардид.

Дар маросими ифтитоҳи мусобиқаи мазкур намояндагони Мақомоти иҷроияи ҳокимияти давлатии вилояти Суғд Алишер Камолов, сардори Раёсати ҷавонон, варзиш ва сайёҳии вилоят Олимҷон Зоҳидзода, муовини Раиси ноҳияи Деваштич Ғиёсиддинзода Бунафша ва роҳбари НТҶҶ «Созандагони Ватан» дар ноҳияи Деваштич Сарвар Саидов ширкат варзиданд.

Мақсад аз баргузории мусобиқа оммавияти варзиш ва кашфи чеҳраҳои нави футбол арзёбӣ гардид.

Мусобиқа давоми панҷ рўз идома ёфта, ғолибон бо Ҷому ифтихорнома ва туҳфаҳои хотиравӣ қадрдонӣ мешаванд.

Лоиқ Тўйчиев