Мувофиқи ҳисоботи масъулини коммисариати ҳарбии ВМКБ нақшаи даъват дар вилоят ба ҳисоби умуми 99 фисад иҷро шудааст.

Ҳамроз Хушдилов, корманди коммисариати ҳарбии вилоят чунин мегӯяд, ки имрӯз қариб ҳамаи навоҳии вилоят дар ин самт муваффақ шуданд: “Ҷиҳати ба роҳ мондани ҳамкории судманди мақомоти дахлдор маъракаи даъвати баҳорӣ ба хизмати ҳарбӣ дар қаламраи ВМКБ дар арафаи анҷомёбӣ қарор дорад. Аз ҷумла комиссияи даъватии ноҳияҳои Дарвоз, Ишкошим, Мурғоб, Шуғнон, Рӯшон ва Роштқалъа нақшаи даъфатро 100 фоиз иҷро намуда, танҳо шаҳри Хоруғу ноҳияи Ванҷ онро то 89 фисадӣ пур карданд,”-иброз дошт ӯ.

Тавре аз коммисариати ҳарбии ВМКБ хабар доданд, агарчи дар мавсими баҳорӣ теъдоди худиихтиёрон ба хизмат зиёд буд, аммо дар баъзе ҳолатҳо лозим омад, ки дар ҳамбастагӣ бо падару модари навдаъватшудагон ва бахшҳои Кумитаи ҷавонон, варзиш ва сайёҳии кишвар тадбирҳои иловагиро пиёда намоем.

Машҳур ИМОМНАЗАРОВ, “ҶТ”