Рӯзи 23 майи соли 2017 бахшида ба Рӯзи ҷавонони Тоҷикистон дар қасри фарҳанги ноҳияи Рӯдакӣ вохӯрии раиси ноҳия Муҳаммадраҳим Юсуфӣ бо гирандагони стипендияи президентӣ, гирандагони стипендияи раиси ноҳия, варзишгарон, ғолибони олимпиадаҳои фаннӣ, муаллимони ҷавон ва ҷавонони фаъоли ноҳия баргузор гардид.

Дар вохӯрӣ сардори Раёсати маорифи ноҳия Сафаров Соҳибназар ва мудири Бахши ҷавонон, варзиш ва сайёҳии ноҳияи Рӯдакӣ Абдулло Сатторӣ иштирок намуда, аз натиҷаҳои фаъолияти хеш ҳисобот доданд. Раиси ноҳия зимни суханронии хеш нақши ҷавононро дар пешрафти ҷомеаи муосир хеле муассир ва мондагор арзёбӣ намуд. Ёдовар мешавем, ки дар ин вохӯрӣ ҳунармандони шинохтаи ҷумҳурӣ Баҳром Ғафурӣ ва Суруш Холов иштирок доштанд. Дар охир раиси ноҳия ба ҷавонони фаъол, ғолибони олимпиадаҳои фаннӣ дар даври ҷумҳуриявӣ ва муаллимони сол ифтихорнома ва туҳфаҳои хотиравӣ тақдим намуд.