Раиси шаҳри Кӯлоб Хайрулло Амонулло, бахшида ба Рӯзи ҷавонон 23 май дар амфитеатри шаҳри Кӯлоб бо ҷавонону фаъолони шаҳр вохӯрӣ доир намуд.

Нахуст, дар қисмати даромадгоҳи амфитеатр намоиши китоб, ихтироотҳо ва дастовардҳои ҷавонону варзишгарони шаҳр ба марази тамошо гузошта шуд.

Хайрулло Амонулло, ба сухан баромада, ҷавонон ва кулли иштирокчиёнро ба Рӯзи ҷавонон табрик намуда, зикр кард: “Мо умед дорем, ки ҷавонон дар раванди таҷдиди ҷомеа тавассути таҳким бахшидани фикру андешаи нав, бахусус ҳифзи истиқлоли давлатӣ ва дастовардҳои он, арзишҳои бунёдии миллатсозӣ ва ватансозиву ватандорӣ саҳми фаъоли худро мегузоранд”.

Инчунин дар рафти вохӯрӣ аз тарафи раиси шаҳр ба донишҷӯёни Коллеҷи тиббии шаҳри Кӯлоб, ки дар спартакиадаи ҷумҳуриявӣ ҷойи аввалро сазор гардида буданд, сипосномаҳо ва медал супорида, як қатор ҷавонони фаъол, ки дар “Соли ҷавонон” саҳми арзандаи хешро дар татбиқи сиёсати давлати ҷавонон гузоштаистодаанд бо ифтихорномаҳо қадрдонӣ шуданд.

Баъд аз фарҷоми қисмати тантанавии чорабинӣ барномаи фарҳангии ҳунармандони шаҳри Кӯлоб бахшида ба Рӯзи ҷавонон пешкаши меҳмонон гардонида шуд.

Умед Мирзоев, “ҶТ”