Бо ибтикори Бахши ҷавонон, варзиш ва сайёҳии ноҳияи Роштқалъа байни 8 дастаи мунтахаб аз ҳисоби идораву муассисаҳои маҳаллӣ Бахшида ба 20 – солагии ҷашни Ваҳдати миллӣ ва Рӯзи ҷавонон мусобиқаи варзишӣ аз намуди волейбол доир гардид.

Мувофиқи натиҷаҳои ниҳоӣ дар ин сабқат дастаи “Мактаби варзишӣ” бар тими “Хадамоти оташнишонӣ” бо ҳисоби 2 : 1 (25:15, 25:21, 25:23) пирӯз шуда, сазовори ҷойи якум гашт.

Барои гирифтани мақоми сеюм дастаҳои “Мақомоти маҳаллӣ” ва “ШВКД” талош намуданд, ки дар охир “ШВКД” бар тими “Мақомоти маҳаллӣ” бо ҳисоби 3 : 2 (25 : 22, 26 : 24, 25 :23) ғолиб омад.

Ғолибонро Зӯҳро Муллоҳукматова, мудири Бахши ҷавонон, варзиш ва сайёҳии ноҳияи Роштқалъа бо медал, ифтихорнома ва тӯҳфаҳои хотиравӣ қадр намуд.

Машҳур ИМОМНАЗАРОВ, “ҶТ”