Бо иқдоми Бахши ҷавонон, варзиш ва сайёҳии шаҳри Хоруғ дар маҳаллаҳои шаҳр аз ҳисоби ҷавонони фаъол раҳбарони нав таъйин гардид.

Дар ин бора мудири Бахши мазкур Имомёрбек Имомёрбеков хабар дода гуфт:

“Ин таҷриба дар таърихи ВМКБ бори аввал буда, сарварони ҷавон дар асоси принсипи “ҳамсол ба ҳамсол” таъйин шуданд. Чунин тадбирҳо ба хотири тақвияти ҳамкории ҷавонону наврасон, коҳиш додани таъсироти беруна ба мафкураи онҳо, ҷалби ҷавонон ба машғулиятҳои оммавию фарҳангӣ ва бедор намудани ҳисси худшиносӣ роҳандозӣ гардиданд”.

Феълан сарварони ҷавон дар маҳаллаҳои “Дашти боло, “Бархоруғ”, “Шошхоруғ” ва “Андарситез” таъйин шуда, дигар ҷавонону наврасони маҳаллаҳои шаҳр ҳам соҳиби роҳбарони нав мегарданд.