Ба ифтихори Рӯзи Ваҳдати миллӣ дар варзишгоҳи “Авесто” – и ноҳияи Дарвоз мусобиқаи футбол оғоз гардид.

Ба гуфтаи Расулҷон Шокиров, мудири Бахши ҷавонон, варзиш ва сайёҳии ноҳия мусобиқа байни 22 дастаи ноҳиявӣ аз ҳисоби ҷавонон, наврасон ва кӯдакони соли таваллуди 2000 – 2011 ташкил шуда, рӯзҳои наздик анҷом меёбад:

“Дар назар аст, ки аз миёни дастаҳои мазкур як дастаи мунтахаб барои мусобиқаи вилоятӣ омода намоем”.

Чунин чорабиниҳо бо ибтикори Кумитаи ҷавонон, варзиш ва сайёҳии кишвар роҳандозӣ гардида, то 20 – солагии Рӯзи Ваҳдат идома меёбанд.

Машҳур ИМОМНАЗАРОВ, “ҶТ”